Mistari Maarufu ya Biblia kutoka Zuwã 19

Shirikisha

Te te upsõmri parip si, ma tô ãne oto tinha: — Uburé wa tô 'rãsutu. Taha pari, ma tô 'rãiwaptãrã. Tawamhã si'uihâ na ma tô oto pẽ'ẽhai'utõ.

Tawamhã Zezusi hã ma tô oto waihu'u, uburé te te i'rãsutu wẽ na hã. Ibaihâ Iwazé pese na rob'ui'éré ãma inomro siro hã te te sina uwaimrami da, ma tô ãne tinha: — 'Rubu di.

Zezusi hã tina te te 'madâ'â wamhã, duré isiré 're imorĩ te te 're isawi pese mono i'rata isam na te te 'madâ'â wamhã, ma tô ãne tina ma tinha: — Tahata ai'ra hã. Taha pari te te 're isawi pese mono ma, ma tô duré tinha, ãne: — Tahata ana. Tawamhã isiré 're imorĩ te te 're isawi pese mono hã ma tô tina hã saprõ tinhorõwa u, ta hawim haré i'rata 're sãmra mono da.

Tane nherẽ, Zezusihi zô si'ré za'ra wamhã, ma tô siwi 'madâ, idâ'â na hã. Tahawa te te siwi hi'ẽi õ di. Tane nherẽ, nimahã misi dasi'wapéi 'manharĩ'wa hã ma tô Zezusi a're zapu'u, si'uwazi 'rã'wa na. Tawamhã awa'awi pesere ma tô iwapru hã tiwi puru, duré â zama.

Ãne hã ma tô tiromhâiba, te te sina uwaimrami da, Ibaihâ Iwazé pese na ãma rob'ui'éré inomro hã, ãne: “Ihi hã da te tiwi 'maiwẽ'ẽi õ di za.” Ãne duré Ibaihâ Iwazé pese na rob'ui'éré amo hã: “Si'uwazi 'rã'wa na i'a're zapu'uzé hã te za siwi 'madâ.”

Tawamhã Zezusi hã si'uihâ na ma tô wedepo'o nhonhi'rãmi hã sisada ti'â, Da'rãihi na romnhisi u. (Ebreu norĩ mreme na, “Gougota” na romnhisi hã.)

Taha pari, dasi'wapéi 'manharĩ'wa norĩ hã ma tô danhoprezé sada 'ma'manharĩ za'ra, 'wabzéré na. Taha na ma tô ãma siwi sõpre. Ma tô duré siwi uza, da'uza ihâpa ihâpré na.