Mistari Maarufu ya Biblia kutoka Matewu 6

Shirikisha

Koga hakani bumambo gweNdzimu nendulamo iye kutanga, zose izwezwi zwinhu mowhozwipiwa bo.

Ndizo ke, musizwimanikanye nelemangwana, lemangwana lowhozwimanikanya nekwalo. Limwe nelimwe hhuba lina mamanikano alo akalilizana.”

“Ndizo ke ndomubudza, musizwimanikanye nekwebutjilo gwenyu, kuti mowhodlani kene kuti mowhon'wani, kene nekwemibili yenyu, kuti mowhombalani. Butjilo agutopinda zodliwa, nembili awutopinda zwiyambalo?

Koga hapa utembezela, ngina mun'umba, uhhalile nkoba utembezele kuna Tate babo basingaboneke. Tate babo, ibo banobona tjinoyetiwa pakasumbikika, banowhokupa mbhayilo.”

“Ndizo ke, mutembezele nayeyi zila, “ ‘Tate bedu bakudzimu. Zina lenyu ngaliyengemadziwe; Bumambo gwenyu ngaguhhe; kuda kwenyu ngakuyetiwe, muhango sekwakunoyetiwa kudzimu.

Mutipeni zodliwa zwedu zwemisi nemisi.

Mutiyetileni mazwibhatigwa milandu yedu, sekwatinobayetila mazwibhatigwa ibabo bana milandu naswi.

Musitinginise mukulikwa, koga mutisunungule mububi.’ ”

“Ngobe hapa muyetila banhu mazwibhatigwa matjinyo abo, Tate benyu bakudzimu banowhomuyetila bo mazwibhatigwa.

Lingani nyunyi dzemumhepo. Adzitodzwala kene kowha kene iko sa muzwidandale, koga Tate benyu bakudzimu banodzipa zodliwa. Amuna tjilemela kupinda idzo?

“Musibige fumwa yenyu muhango, payinodliwa nezwikonyana nebulala, nembava padzinongina dziswada. Koga bigani fumwa yenyu kudzimu, payisingadliwe nezwikonyana kene nebulala, pasingangine mbava dzikaswada. Ngobe pana fumwa iyo, ndipo moyo uwo pawunowhogala uliko bo.”

“Akuna nhu ungahingila bohe babili; ngobe angada umwe akahema umwe, kene unowhozwipila kuwumwe akalingila umwe pasi. Amungahingile Ndzimu kose nemari.”

Koga hapa Ndzimu embadza buhwa gwehango nayeyi zila, gunotjila nasi mangwana guposegwa mumoto patjibeso, atowhomumbadza kupinda igo imwi, banhu bana bugalimoyo gutukununu?”

Koga hapa ubhatsha unohaka lubhatsho, usiletje luboko gugo gwelumehwe gukaziba kuti luboko gugo gweludli gothamani, kuyetila kuti bhatsha kwawathama kusizibgwe nenhu. Tate babo, ibo banobona tjakasumbikika, banowhokupa mbhayilo.”

“Ibani nenjele kuti amutothama lulama mbeli kwebanhu, muyetila kuti babone. Hapa muthama mujalo amuna mbhayilo unobva kuna Tate benyu bakudzimu.”

“Hapa muyila zodliwa, musinge batjengeli, banohobesa buso kudza banhu babone kuti bakayila zodliwa. Lebeswa ndoti kumuli, batjiwamutjila mbhayilo wabo nekuhhele. Koga hapa wakayila zodliwa, ngula buso uhhole mafuta mun'holo, kuyetila kuti banhu basibone kuti wakayila zodliwa, kubone Tate babo boga basingaboneke, Tate babo, banobona tjakasumbikika, banowhokupa mbhayilo.”