Mistari Maarufu ya Biblia kutoka कुलुस्सियो 2

Shirikisha

जिण तरैह ऊं थै यीसु मसीह नै परभु मांन्या, उण तरैह ऊं उणरै बतायोड़े मारग माथै चालता रौ। उणमे मजबुत होन बढ़ता जाओ। जिण तरैह ऊं थांनै विसवास री सीख मिळी है, उणमे मजबुत होता जाओ अर परमेसर नै धन्यवाद देता रैवौ।

सावचेत रैवौ के, कोई थांनै मिनखां रा बणायोड़ा ग्यांन, रीति रिवाज अर संसार री सीख ऊं धोखे में नीं घाल दे, जिकौ मसीह रा नीं है।

थै जिकौ पाप अर सरीर में खतनो नीं करणा रै कारण मरयोड़ा हा, परमेसर थांनै मसीह रै साथै जीवता करिया अर अपांरा सगळा पाप माफ करिया। कायदे रौ वो लेख जिकौ अपांरै नाम ऊं अर विरोध में हो, उणनै सूली माथै खिलो ऊं जड़ नै अपांरै सांमै ऊं आगौ कर दियौ।

क्यूंकै परमेसर पूरी तरैह ऊं मसीह री काया में वास करै है। थै उण ऊं हीज भरपूर हो, जिकौ सगळै राज अर अधिकारो रै ऊपर है।

इण वास्तै किणी रौ ओ हक कोनीं के वो खाणै पीणै में या तैंवार मनाणै में, यहूदियो रै आराम रा दिन रै बारै में या नवा चांद रै बारै में थौरे माथै दोस लगावै। क्यूंकै ऐ सगळी आवण वाळी बातां री छाया है। सई बातां तो मसीह में है।