Mistari Maarufu ya Biblia kutoka कुलुस्सियो 1

Shirikisha

वे हीज अपांनै अन्‍धारा रा राज मे ऊं छुड़ायनै आपरा लाडला बेटा रा राज में ले आया।

क्यूंकै उणमे इज परमेसर दुनिया री सगळी चीजों बणाई। सरग री अर धरती री, देखी अणदेखी, कांई सिंहासण नै, कांई परभुता नै, कांई परधानता नै अर कांई हक, सगळी चीजों वे ही बणाई अर उणरै वास्तै ही बणाई।

वे सगळौ ऊं पैला भी हा अर उणरै कारण ही सगळी चीजों आपो आपरी जगा माथै टिकियोड़ी है।

यीसु मसीह नीं दिखण वाळा परमेसर रा रूप है अर पूरी दुनिया में सगळौ ऊं मोटा अर पैला है।

इण वास्तै जिण दिन ऊं ओ सुण्यौ, म्हैं लगातार थौरे वास्तै पराथना कर रिया हा। म्हैं परमेसर ऊं विणती करां के, वे थांनै पवितर आतमा रौ ग्यांन अर समझ दैवै, जिण ऊं थै परमेसर री इछा नै जांण सकौ। ताकी थौरो चाल-चलण जैड़ौ परभु चावै वैड़ौ रैवै, जिण ऊं वे राजी रैवै अर थै भला कांम करता रैवौ अर परमेसर रा ग्यांन में बढ़ता जाओ।