Mistari Maarufu ya Biblia kutoka Maatiyoos 6

Shirikisha

Iinak in jeemɛ ɗɛyɛ burɛ Waakoyotoŋk a any sinɔ mentan taamɛkɛ Gɛɛnɛkik, ola sigɛ ŋayɗiikik baŋɛ siipiɗikkɔɔ kɔnaŋ.

Ɓakɛy sinɛkɔɔ alaayoŋk gayɛkɔɔ alaayaŋ, nɛ kat ɓakɛyɗiikɛɛ agut alaay, waawuy a omoŋ omoŋ lak rakatɛ ɔɗɔwa nɛɛkaaŋ.

"Agut sini tona kɔnaaŋ, kat ɓakɛyɗiikɛɛ agut beeɗit noŋk kɛ, 'Ɗamiikɔɔ jikon?' maŋk kɛ, 'Utiikɔɔ jikon? maŋk kɛ, 'Kadiikɔɔ jikon?' Wɛɛŋa kaalɛr ɗama, ma ɛɛk kaalɛ abiyak.

Saa seŋk ɗanɗamaaɗink, guugunyu godeya nooka, nɔ korun tuga nook nɔ ɗanɗamaakin Ɓaaɓa sinaana ar dugeeɗik sinaana kɛ taantaak. Koyukoyna gati nook ijaag any sinɔ mentanŋɔŋkuk Ɓaaɓa sinɛ dɛnɛ any sinɔkɔ ijaagɛ dugeeɗikiŋ.

"In sɔɔk ɗanɗamaakɛ kɛ, Iin Baabɛɛ naŋk sinɛ arkin darik, in geetitaanak tiriya goonɛk. In mɛlki Burɛ nookɛk. Oko sinɛ ɗɛyan nook darik. In ɓɔrɛ ɓɛɛlɛ ɗook raŋk oko sinɛk.

Tigi tin kiiwu naŋk ɓɛɛnyɔwoŋk ɓenyse.

Toŋoɗar tine tikiyɛ gaŋk oko sinɛ ŋɔɗirkiɗii joope sigaagɛ tin tikerk.

Kat tin ŋɔɗurun nɔ guugunyii paariita, ebɔda tin ant sinɔɔnɛ ŋɛɛwɛnŋɔŋk. [Ege burɛɛ a ɓaŋkawuka, a eemɛyɔn nook, kɛygun nɔkoy nɔkoyk. Ameen.]

Ɔkɔn ŋɔɗutaarɔ joope tikiyɛ gɛŋkiŋ, nɛkɔɔ ɓɔrɛ kɔne ŋɔɗuru tikiyɛ goŋk Ɓaaɓa noŋk dariyoŋkuŋ.

In dɛnɛɛ teetɔ dariyoŋko. Kir soowuɗit, kir ɗootiɗiit, kir gaɓiit palɛya. Mayakana gije sɛɛg ɗama Ɓaaɓa noŋk dariyoŋkuŋ. A moko kaalɛɛr sɛɛg jɛt?

"Kat tolɛɛ wori ɛɛka noŋk ɗook sineene ɗamɗu kuukut ɛ uutek ɛ oolɛ nɔ ŋuule agalt gode nɔ agalik. Ma in tolɛɛ wori ɛɛka noŋk dari soodi kiiɗi ada kuukut ɛ kiiɗi uutank ɛ kiiɗi oolɛ agalt nɔ ŋuule gode nɔ agalik. Ar ɓayɛ noŋk saadi, arkiɗ wori noŋkuk.

"Kɛɛ iɗit sinɔ oolɛ a ijaagɗi suumiyɛɛka sigɔɔga pɛɛyk agut omoŋɔŋk. Ɓooyu om, ma poru omuŋ. Maŋk wideer ɛɛk omalta, ma daraayɛ omuŋ. Iɗit sinɔ ijaagɗi woriyaak ki gayɛ a ijaagen Waakoyotoŋkuŋ.

Ɔkɔn kadiɗi Waakoyot makasɛka ɗookoŋk sigeega dɛnɛɛ sɛɛg ɓeny sineene, makɔɔ alɛ orɛɛ sɛɛg maɗak oko sinikiŋ, anɛ iinak sigi kɔne bitak ŋaadiyɛɛkik! Ki kɔna kadiɗit a kaalɛŋ ɛk?

Yakana saa seŋk gijeɗin sankank, kat ɗeger ari nookɛ gɔɔ sinɛ kantik any sinɛ gaɓɛ ari nookɛ gɔɔ sinɛ ɗiɗikik. Dɔɔs a gijiɗikin dugeeɗ. Koyukoyna gati ijaag any sinɔ mentanŋɔŋk, Ɓaaɓa sinɛ dɛnɛ any sinɔkɔ ijaagɛ dugeeɗikiŋ.

"In koorɛ ɛɛk sinɔɔnɛ ijaagirɗɔ any sinɔ mentanŋɔŋk joope taamɛk sinɔɔnɛ kɛ "In tin dɛnɛr sɛɛkik." Ma ɔkɔnkoyŋ, nɛkoy kɛɛ ara gati sinɔkoy laŋiir sooy lak Ɓaaɓa noŋk sinɛ ar darik.

"Saa soomɛrɗɔɔk, kat kɔnu aayɛr ɛɛkan oko joop sigɔ gayar joop sigɔ mentaanaŋɔŋk. Yaaŋɛr sɛɛk ɓɛɛlɛt sanoŋk kɛnɔ ɗegerar joop kɛ soomɛrŋ. Eekeer tona kɔnaaŋ, boŋurɓa sɛɛk gati nɛŋk jeemɛ. Saa seŋk soomɛɗink, aadi taamɛ gooŋk ɛ ɗonya diikuy. In ɗegeera soomɛt nook Ɓaaɓa sinɛ ar dugeeɗik dakɛɗa, mayakana duga joopeŋ, koyukoyna gati nook Ɓaaɓa sinɛ dɛnɛ any sinɔkɔ ijaagɛɛ dugeeɗkiŋ.