Mistari Maarufu ya Biblia kutoka Mataji 6

Shirikisha

Mutale musakule nuvutwa vwa Nguluvi nuvu-golofu vwakwe, apo fyonda ifi alavongelehedza.

Apo humbi mutane ukwiganya ifya kilavo; nikigono kya kilavo kiliganya ifyakyo; ifigono fitegine navo uvufumbe vwanafyo.

Kyendilekile nigilage: ifya pavûmi vweńo mukwiganya kiki nifya kulya nifya kuńwa, nigya muvili igya kufwala? Nuvûmi nifya kuponela vusilutye vuvûmi? Numuvili nigya kufwala gusilutye gu muvili?

Neke uveve, ngana vwikola mukulapangila, apo vwingilage kuńumba jako ija kumuginge, neke udindage numulyango gwako neke baho ulapangilage kińele, neke udado, je ilola na kukińele, ulavona akukuhomba jujo vudondya.

Neke ngana mwilapangila, apo mutigilage: Ve dadisu, ve va kukyâńa, ilitavwa lyako limikwage, uvutwa vwako vwadzage, ulukēlo, lwe ukēlye juve, lwimage nde lwa kukyâńa nakwen’ivala kuno

utupelage umûńi ugu ifilyo ifya neṅuli

uvodzage inôngwa dzetu, ndevye tudzivodzidze kuvańa-nôngwa vesu

utane ukutuvika mulugemyo, utupokage nakumbîfu; tuvwene vwako uvutwa ningufu dzako nindolo dzako mbepalimbê-pali. Amene.

Neke ngana mukudzi-vodza uńeńe avanu idzanavo, apo najuńeńe uda-dińo kukyâńa aladzivodza idzeńo.

Mulolage amadege kukyâńa, pakuva agene gasimidza gasibena gasilu-ndahidza mwe fisandzi, neke udadińu kukyâńa pe agasangilaga. Neke uńeńe musilutye kugene?

Mutane ukulundasa ifyûma kwen’eńi, ifilivwa kufimukēta, ifitolela ninguhi, fye vikumba navakûfi neke vahidzage. Mulundase ifyûma kukyâńa, ifisilivwa kufimu-kêta, ifisitolela ninguhi, fye vasikumba navakŭfi neke vahidzage. Ndivwene kwe figenda ifyûma fyako, kwe jilava kojili na ji numbula jako.

Umunu ilemwa pakutova ilikongo kuvatwa vavili. Vone vuli ujungi alamwenda, ujungi alamusula, kangi ujungi alamumilila, ujungi alamugunila. Mwilemwa ukutova ilikongo na kwa Nguluvi na ku-Mamono.

Neke ngana Nguluvi akulifwika evo ilisoli lya kudâsi, ilivoneka neṅuli, kilavo lisopwa mwitende, apo alapĕla pi nańe pakuvafwika, ńe vańa-lufuvo ulukefw’ańe?

Neke uveve, ngana vwikola mukuvapēla avanu ifya lupyanilo, apo ilivoko lyako ilya ṅigi libihile ukulukagula, lwe lipēla ilijagwe ilya ndyo. Ifya lupyanilo fyako fivedzage fya kukińele, neke udado, je ilola na kukińele, je alakuhomba jujo.

Mwilembage idza vugolofu vweńo, mutane ukudzelesa ukuta vavavonage avanu; ulwa kuva ngana mwigita evo, apo ve mwambwidze ifya kuvahomba udadińo kukyâńa.

Ngana mutigye muhwedzage kitalya ikigono kimwinga, apo mutane ukuviga avakedusi. Ndivwene avene visōka na kumîho, pakuva vitigila mwe vatukagulilage avanu, ukuta neńuli vahwe najo. Ndakyene ndikuva-vŭla: ava vahombilwe lulo. Neke uveve ngana vwihwa kitalya, apo vwipuguhage na kumîho, vwibakage na kumutwe, ukuta lutane ukuvoneka kuvanu, lwe vwihwa kitalya, akukagulage ju dado, je ilola na kukińele, ulavona akukuhomba jujo.