Mistari Maarufu ya Biblia kutoka VAROMA 6

Shirikisha

Ambu mhako wa mabanu ni kifwa, mira kiinkwa cha Mrungu ni nkalamo ya kae na kae he Kristo Yesu Mfumwa wetu.

ambu mabanu teekamutetie unywi, kila mwesiho kijusi he viziomo, mira kijusi he mbonea.

Henaicho twejikiwe hamwe naye he m’batizo he kifwa chakwe, nesa sa vuntu Kristo evukie he vefwie he vuntu vwa ngazo ya Vavee, nirehuvo, na uswi tutongie he nkalamo shaa.

neri musiinkije marungo enyu akaoka mata a vuvivi he mabanu, mira kuinkijeni venye he Mrungu, sa vefunyijwe he kifwa kuetwe he nkalamo, na marungo enyu he Mrungu aoke mata a kitea

twekimanya kiteto iki iti mntu wetu wa kae evambiwe he msalaba hamwe naye, nesa mwiri wa mabanu ukondike, tusirongie mabanu ndima kangi

Huvo na unywi kutareni iti he mabanu mwefwie, na vena nkalamo ha Mrungu he Kristo Yesu.

Ingeri tuti ze? Tuzikebana nesa mbonea izikeneta? Icho hai! Uswi twefwie he mabanu tuneidimaze kuikaa kangi na mabanu?

Temumanyije iti he ula eye mwekuinkije heye kuoka vazoro vakwe he kumsikia, mwaoka vazoro va ula mwemsikia iti ni vuzoro mabanu vweete kifwa, kana kuti ni vuzoro vwa kusikia vweete kitea?

Mira Mrungu nakazwe ambu mweki vazoro va mabanu, mira mukasikia kwa ngoro jenyu ila mbare ya icha mwevikiwe, kijusi helo; mwekinakombolwe mwekitanywa na mabanu, mukaoka vazoro va kitea.