Mistari Maarufu ya Biblia kutoka VAROMA 5

Shirikisha

Mira Mrungu evonyesha lukundo lwakwe ye mwenye he uswi, ambu Kristo efwie vuntu vwetu, aho twecheri vabanu.

na ikuji telisonisha; ambu lukundo lwa Mrungu lwakenja kukufutwa na he ngoro jetu ni Mpeho Wedi uswi tweinkiwe.

Neri si icho du, mira natuizihirwe hata he mavwasi; twekimanya iti vwasi ndima yavwo ni kuete kugumirija; na ndima ya kugumirija ni kudinda; na ndima ya kudinda ni ikuji

Iki twekinakenje kutarirwa kitea chefuma he mwitikijo, natukete mporere na Mrungu he vuntu vwa Mfumwa wetu Yesu Kristo. Eye heye twevonie he nzia ya mwitikijo kufikia mbonea ii eyo tweimuke heyo; na kuizihirwa he ikuji la ngazo ya Mrungu.

Ambu aho twevasoka igheri lekinafike, Kristo efwie vuntu vwa vavivi.

Mira chekelile mno twekinakenje kuinkwa kitea vuntu vwa sakame yakwe, tunekijwa he oro kwa mburi yakwe.

Ambu kakicha he kubera kwa mntu mmwe, vantu vajinki veingijwe he miikarire ya vabanu, nirevwo he kusikia kwa mmwe, vantu vajinki vaingijwa he miikarire ya vakitea.

Neri si icho du, mira tuzihirwa he Mrungu he Mrungu vuntu vwa Mfumwa wetu Yesu Kristo, eye heye iki tweghuhie icho kikundanyo.