Mistari Maarufu ya Biblia kutoka Mga Taga-Roma 6

Shirikisha

Kay ang kamatayon amo ang bayad sang sala, pero ang regalo sang Dios amo ang kabuhi nga wala sing katapusan sa paghiusa kay Cristo Jesus nga aton Ginoo.

Kay ang sala indi dapat maggahom sa inyo. Wala kamo nagakabuhi sa idalom sang kasugoan, kundi sa idalom sang kaayo sang Dios.

Gani, sa aton pagpabautiso, ginlubong kita upod sa iya, kag nagpakig-ambit sang iya pagkamatay, agod nga, subong nga si Cristo ginbanhaw gikan sa mga minatay sang makatilingala nga gahom sang Amay, kita man magkabuhi sang isa ka bag-o nga kabuhi.

Indi man ninyo pag-itugyan ang bisan ano nga bahin sang inyo lawas sa sala, agod gamiton para sa malaut nga mga tinutuyo. Sa baylo, itugyan ninyo ang inyo bug-os nga kaugalingon sa Dios, subong mga tawo nga ginbuhi halin sa mga minatay, kag itugyan man ang inyo bug-os nga lawas sa iya, agod gamiton para sa matarong nga mga tinutuyo.

Kay nakahibalo kita nga ang aton daan nga kinaugali napatay upod kay Cristo sa krus, agod nga malaglag ang gahom sang aton makasasala nga kinaugali, kag agod nga indi na kita mangin-ulipon sang sala.

Sa amo man nga bagay kabiga ninyo ang inyo mga kaugalingon subong patay sa sala, pero nagakabuhi sa Dios sa inyo paghiusa kay Cristo Jesus.

Karon ano ang aton masiling? Magapadayon bala kita sa pagkabuhi sa sala, agod nga ang kaayo sang Dios magdugang? Indi ina mahimo! Napatay na kita sa sala—ti ano pa abi ang pagpadayon naton sa pagkabuhi sa sala?

Kay nakahibalo gid kamo nga kon ginatugyan ninyo ang inyo mga kaugalingon subong mga ulipon sa pagtuman sang isa ka agalon, matuod gid nga mga ulipon kamo sang inyo ginatuman—ayhan sang sala, nga ang resulta sini amo ang kamatayon, ukon sang pagkamatinumanon, nga ang resulta sini amo ang pagpakamatarong sa atubang sang Dios.

Pero salamat sa Dios! Kay sang una anay mga ulipon kamo sang sala, pero karon gintuman ninyo sa inyo bug-os nga tagipusoon ang mga kamatuoran nga yara sa pagtulon-an nga inyo nabaton. Ginhilway na kamo sa sala kag nangin-ulipon kamo sang pagkamatarong.