Mistari Maarufu ya Biblia kutoka Mat. 6

Shirikisha

O lawa ma nyɛ chenani Koosa dɔ ma awa o tutɔ tiŋi te ma bambe ni. Maa lisi nan, o zi kpa kin naa maga ma daŋniu a nyɛ ma.

Adaha ma ta nyɛ chɛ kina kimuksi ma. Wuzu maga kpak a tumawa a muksi ya. Adaha ma ta kpa chɛ kina a lagmi zinan kin ni.”

“Nan nyinbaannɛ n sɛm ma. Saha maga maa daŋni diwe awa ni awa kilaarɛ. Ma ta nyɛ kin nama muksi ma. Ma miisa wa kaali ma diwe awa nii? Ma bara wa kaali kilaarɛ ta ma laarɛ chenn?

amaa ma ka sumi, ma zu ma dɛɛna ma duŋduŋ a far zɔɔnɔ a sumi ma kunyan Koosa naa na ma o duŋduŋ. Ma ya chen, o zi nyɛ ma o papahau.

Nan nyinbaan nɔwa ma zi sumi Koosa. ‘Ya kunyan Koosa, ya daŋni i sɔn naa la chaani chiŋiu. Ya daŋni i wa dɔ narawa, chen ni ba zi tiŋ i tutɔ daŋni a li tɛɛnɛ nɔ maga niu a chi chenani i malaikasi ta tiŋ hin a li i tɔha ti ni chenu.

Nyɛ ya zinan wuzu nɔ diwe

aa gil ya taali a pɛŋ ya, ka ya ka gil aa pɛŋ ba naa laa tum ya wu tagna. ((

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

“Ma gil tum tagna naa nara tum a nyɛ ma, ma kunyan Koosa naa nyɛn o tɔha ti ni, gbanko zi gil a nyɛ mau

Ma nyini zimebisa la za buudaha ni. A wara par ŋmaana koo a kum kiparɛ koo a kpa a a du napagsi ni. Ya kunyan Koosa naa nyɛn o tɔha ti ni la nyini a. Ma wa kaali zimebisa ta kinkann?

“Ma ta chiŋsɛ kidamata a li tɛɛnɛ nɔ maga ni. Chau awa doon zi wa chɔk au ka ŋmɛɛrsa chɔk dɛ ti a zu ŋmɛ a dooni. Amaa ma ka kpa kidamata a chiŋsɛ a li Koosa tɔha ti ni. Chau awa doon wa zi wa chɔk a. Ŋmɛɛrsa gbanko wa zi wa kikoti a chɔk dɛ ti a ŋmɛ a. Ma bambe zi nyɛn doonani ma kidamata nyɛnu.”

“Nibɛgim wa kisuŋi nihɛɛta nara balɛ. O zi daŋni digiu a ha digi. O si zi su digiu a vɛ digi. Chen vɛɛna, ma wa zi koti a tum a nyɛ Koosa ni a ya si tima.

Koosa la nyɛ kɔsa wa kilaarɛ. A wa bi a vusi ka limaŋ wa pisi, din yaa wa di a. O wati ma kaali kɔsa kinkan. O wa zi bu koti a nyɛ ma kilaarɛɛ? Ma se wa su un nɛnɛ.

Ma tum tum were a nyɛ nara ni, ma ta nyɛ hali ma walɛ zim o wɛ. Ma tum tum were a duŋduŋ, ma kunyan Koosa naa na chenani maa tum, o zi nyɛ ma o papahau.”

“Ma tum tum were a nyɛ nara ni, ma ta nyɛ a li gbampulim nara maga naali. Ma tum chen, ma wa zi na papaha a li ma kunyan Koosa naa nyɛn o tɔha ti ni.

“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau. Ma ka vɔti nɔɔna, ma sɛm ma se a chaasi ma nyuksa, chen ni nara wa zi koti a zim di ma vɔti nɔɔna. Ma kunyan Koosa, naa na chenani ma tum ma duŋduŋ, o zi nyɛ ma o papahau.”