Populära bibelverser från Matsayo 5

Dela

Kata abandu shibahambinjia itaha nibachifuunikha hasi mushimwelo ta, habula bachira khushichibi shiayo; niyibakhosilia bosi abali munzu. Kho obulafu bweenywe nabwo bwashenje burio imbeli wabandu, mbu balole ebikhole bieenywe ebilayi nibamuheelesia Seenywe ouli mwikulu oluyali.

Ninywe obulafu bweshialo. Litaala elili khushikulu sl ilinyala okhubisikha ta.

Nabeikhabi abemioyo emieleleshe; shichila balalola Nyasaye.

Nabeikhabi abali neinzala nibaliibwa obuloho bwobuluniishi; shichila baleekusibwa.

nasi emusunjila mbu Heelenje abasuku beenywe, nimubasaayila abamusakania

Nabeikhabi abamanani mumwoyo, shichila obwami obwomwikulu nobwabwe.

Nabeikhabi abaleeranga omulembe; shichila balalangungwa mbu abaana baNyasaye.

Nabeikhabi abali neshibeela; shichila balalemibwa emioyo.

Nabeikhabi abasandilibwa obulunjishi; shichila obwami obwomwikulu nobwabwe.

Nabeikhabi abetsimbabasi; shichila balabeelwa tsimbabasi.

Muli abeikhabi inywe olwa bamunyeka, nibamusandia, nibamuchiikha amakhuwa amabii amanji, khulwanje. Mwikhoye, nimusangaala muno; shichila omukabo kwenywe nomunji mwikulu; okhuba niIwo olwa basandia abalakusi abamuranjilila.

Nabeikhabi abaholo; shichila balalaamilwa eshialo.

Ninywe omuunyu kweshialo; ne omuunyu nikuba nikutsinziibe, kulalungwa nende shiina? Shikukaasila eshindu khandi ta, habula okhusukunwa elwanyi nikuseenwa namakulu kabandu.

Kho mana mukhoyile okhuba abalamba, shinga Seenywe ouli mwikulu olwa ali omulamba.

Nebutswa amasungo keenwye kabeetsenje mbu Ee, Ee; khandi mbu Tawe, tawe; ne liosi elishila ako neliobumayaanu.

Mwahuliile shinga olwa kasungwa mbu Imoni khumoni, khandi eliino khuliino; nasi emusunjila mbu oramuyinganinjia omundu omumayaanu ta; ne omundu yesi oukhupaama oluseya olwokhumukhono musaatsa, omushiukhasilie olundi nalwo.

Kata imoniyo isaatsa niyiba niyikhwisichirasinjia, ochitsomole, ochisukune ehale; shichila shiakhakhukaasila mbu eshiungoshio shiala shitibe, omubilikwo kwosi nikurasukunwa muGehena ta. Ne omukhonokwo musaatsa nikuba nikukhwisichirasinjia, okureme okusukune ehale; shichila shiakhakhukaasila mbu eshiungoshio shilala shitibe, omubilikwo kwosi nikuratsia mu Gehena ta.