Populära bibelverser från Matsayo 6

Dela

Ne ranjilile mukhaabe obwamibwe nende obuIunjishibwe; nebindu bino biosi mulameetelwa.

Niko akachila, murahendelanga akomukamba tawe; okhuba inyanga yomukamba yilahendela akayo. Buli nyanga yibeetsanga namanyakhano kayo akachihela.

Niko akachila nimuboolela mbu Murahendelanga akobulamu bweenywe, ebia mwitsa okhuIia, kata ebia mwitsa okhunywa, ta; kata akemibili chieenywe, ebia mwitsa okhwifwala, tawe. Obulamu shibushila ebiliibwa, omubili nakwo shikushila ebiifwalo?

Ne iwe, olwa osaaya, yinjila mushisikashio eshiomukari, man nomalile okhwikala omuliango, omusabe So ou mumabiswi, naye So oulolanga mumabiswi alakhurunga.

Khulwako, musaayenje muri nanwa, mbu E Seefwe, ouli mwikulu, Eliiralio liriibwe. Obwamibwo bwitse. Aka wenya keekhol mushialo, shinga olwa keekholanga mwikuhulu.

Okhuheelesie leelo ebiliibwa bieefwe bialeelo.

Nokhuleshela amakobi keefwe, shinga if we olwa khubalesheele abeekobi beefwe.

Norakhuyila mukhuteemwa ta, ne okhuhonie mububi [Okhuba obwami, nende obunyali, nende oluyali, nebibio, ebisoni nebisoni. Amina.]

Shichila nimuba nimubaleshela nbandu obuyiiri bwabwe Seenywe owomwikulu naye alamuleshela inywe

Lole amanyonyi akokhwikulu, shinga olwa kararaakanga kata okhuchesa, kata okhukhung'aasia mubiachi ta; ne Seenywe owomwikulu akaliisinjia. Inywe shimukashila muno akeenako?

Mureebiishila abeene amabiikho mushialo, aha amatsilili nende tsindebelende bisasinjia naha abeebi bayabanga nibeeba, ta; nebutswa mwibiishile amabiikho mwikulu, aha amatsilili kata tsindebelende birasasinjia, kata abeebi okhuyaba nokhwiba ta; shichila libiikholio aha lili, niho aha omwoyokwo nakwo kulabeetsanga.

Abulaho ounyala okhukhalabanila abaami babili ta; shichila alachwang'a mulala khubo namuheela oundi, kata mbu alahambaana nende mulala khubo namuchaya oundi. Shimunyala okhukhalabanila Nyasaye khandi nende emiandu ta.

Ne Nyasaye olwa afwalanga obunyasi obwomubulimo ebiifwalo biabwo birio, obubaho leelo, ne mukamba busukunwa mumulilo, shialashila okhumufwala inywe, inywe abali nobusuubili obutuutu?

Nawe olwa okhola akeshisa, orafuchiilila omukhonokwo mukhasi kumanye aka omukhonokwo musaatsa kukhola ta; mbu mana akeshisashio kabe akamabiswi; naye So oulolanga mumabiswi alakhurunga.

Mwiyile kahala, muleshe okhukholanga akobulunjishi keenywe imbeli wabandu mbu bamulole; muleshe okhubula omukabo okhurula khuSeenywe ouli mwikulu ta.

Khandi, olwa muba nimuhonga inzala, murakhuunia mumoni shinga abeekaatii abo ta; okhuba babiiyinjia mumoni mwabwe mbu abandu balole shinga olwa bahonga inzala. Emuboolela toto, mbu bamalile okhunyoola omurungo kwabwe. Ne iwe, olwa ohonga inzala, wibashe amafura mumurwe niwiyosia mumoni; mbu abandu baleshe okhulola shinga olwa ohonga inzala ta, habula So ouli mumabiswi; naye So oulolanga mumabiswi alakhurunga.