Populära bibelverser från Svun Juan 3

Dela

Ti Rioxe isc'an tajmec li crixchanoetic ta sjunlej balamile, yech'o ti iyac' tal li jujun xch'amale, scotol ti much'utic ta xch'unique, mu xbatic ta ch'ayel, ta xcuxiic ta sbatel osil.

Ti istac tal ta sba balamil Xch'amal ti Rioxe, mu'nuc tal yac'be castico li crixchanoetique, tal stojbe smulic.

Ti Jesuse ja' yech iyalbe chac li'i: —Ta melel chacalbe, ti much'u mu xcha'ayan ta ach'e, mu xu' xba sq'uel yo' bu tspas mantal ti Rioxe ―x'utat.

»Ti much'u ta xch'un ti ja' itojbat smul yu'un li Xch'amal Rioxe, mu xba stoj smul; yan ti much'u mu xch'une, jmoj sc'oplal chbat yich' castico, ja' ti mu xch'un ti ja' yaj coltavanej ti junjun Xch'amal Rioxe.

Ti much'utic mu xch'unique jp'el sc'oplal chba stoj smulic, ja' ti naca chopol li c'usitic ta spasique, ti c'alal ital li luz li' ta sba balamile ja' mu sc'anic, ja' isc'anic li ic' osile.

Li stuque ja' xa más ta x'ich'e ta muc', yan li vo'one ta c'unc'un xa ta xbic'taj ech'el jc'oplal.

Scotol ti much'utic ja' tspasic li c'usitic chopole, toj chopol chilic li luze, mu sc'an xnopojictal yo bu li luze, yu'un ja' mu sc'anic mi chvinaj li c'usitic tspasique.

Ti much'utic ta xch'unic ti ja' Xch'amal ti Rioxe, ta xcuxiic ta sbatel osil; yan ti much'utic mu xch'unique, mu xcuxiic ta sbatel osil, ch-ac'batic tsots castico yu'un ti Rioxe.

Ja' chac c'u cha'al isjipan ta te' sloc'ol quiletel chon ta xocol balamil ti Moisés ti ta más vo'nee, ja' no'ox yech chisjipanic uc, vo'on ti Xch'amal crixchano li c'ote

Li totile lec sc'anoj li xch'amale, iyac'be syu'el, ja' scuentainoj scotol li c'usitic oye.