Populära bibelverser från Matayo 5

Dela

Nta nkwiifoo nndu ashataa taa efo mmba kawuya iisikya-fo. Mmbo aivika ando a uwe ikamikya yewo woose vakee efo mmba. Veny sa efo usanguny lwa vandu woose, nawo vakooye ilollya efyo fya usha mutanaa, vaute-u ing'anisa Nde waany wa efo iruveeu.”

Yeni mmbo mukee sa ya ulana. Muri ukee mmbike ando a ifumbuu-ny mmbushiidimaa ikusuruma-fo.

Ngoma yewo vatiri nrima mwaa mashika mmbo vakaa valollye Iruva.

Ngoma yewo vatirwa nshaa na nyura ya usumanu mashika mmbo vakaa vawuutiswa.

Na yeny shamuvia, ‘Kundeny vakiduva vany, na yewo vemurishisa muvevaterevya efo kwa Iruva.’

“Ngoma yewo va mirima mikiva, mashika mmbo umangyi lwa iruveeu lwava lwavo.

Ngoma yewo veende ufoo mashika mmbo vakaa vavaangwa vana va Iruva.

Ngoma yewo vatirwa mfyoova, mashika mmbo vakaa vaviirywa muu.

Ngoma yewo varishiswa kimaruma kya usumanu mashika mmbo umangyi lwa Iruva lwava lwavo.

Ngoma yewo velyillya vandu mashika mmbo vakaa valyillywa.

“Ngoma yeni kwakooya vandu vamwaarara na imurishisa na imufinngya wo kindo kikasha kyoose kikee kya wongo elyi mukee vakwa. Fureny-dwa muvelooka shamashika iviiri lyany mutiri efo iruveeu lyava iniini. Mashika ni indo verishisa vakisuku valya vamusongoye.”

Ngoma yewo vafoo, mashika mmbo vakaa vatire uruka luwe ding'u yaawo.

“Yeni mmbo mukee mmbala wa ulana yelu. Indi kwakooya mmbala wammba iturya, a kindo ushewuyaa iroliswa nakyo nkyo ki? Mmbukivaa-se-fo, kulaore ni indeerwa efo poo uvavarwa mmbandu.

Naasany veny vandu vasongovisi shaasa Nde yeto waany wa efo iruvee-u akee nsongovisi.”

Naasany kirero kyany kive, ‘Ee!’ Ao ‘Ode!’ Kyairya efyo ni efo kwa yeto nkasha kyuukye.”

“Mmbo mwiitye kilya kileambawa, ‘Iriso lyitawa ni iriso, na iyoo lyitawa ni iyoo.’ Na yeny shamuvia, ‘Nta mulasalale na nndu nkasha. Indi nndu kakukapa woi lwa yuundu lya woko usha mwaluye na yelyo lyingi.’

Na kwakooya iriso lyafo lyishekweengyee nsindara lyiillwe kulyeere efo! Mmbo kyakuviiya kisha mmwasi ilungo lyafo lyimwi lyikakurekya, na mwiili wafo moose ukyie yeerwa murony wa Gehena. Na kwakooya woko lwafo usha lushekweengye nsindara lurummbwe kulweere efo lukuuke. Mmbo kyakuviiya kisha ilungo lyafo lyimwi lyikakurekya na mwiili wafo moose ukie yeerwa murony wa Gehena.”