Populära bibelverser från Matayo 6

Dela

Pookeny mbele iruuya umangyi lwa Iruva na usumanu lwa vayo, na efyo fingyi fyoose musheerywaa-u fya ngyeerya.

Naasany nta mulasaukwa kya ndesi, Shamashika nkonu wa ndesi usawukwaa nkya vayo. Wo nkonu utiri ngatara ya vayo iwumaa.”

“Kimmba ni indo, neeny shamuvia nta mulasaukwa kya muu yeu kindo mulyaa ao ina, nta kya mwiili kindo muraa. A muu nshi kindo kiniini kikailanya shoonga, na mwiili wany nshi kindo kiniini kikailanya masara eeraa?

Indi kyafo yewe elyi kwatereva Iruva ira na efo kirieny kya mmba yafo kya nnang'ani kuveraya na mwaango, kutereveny Ndoo efo kyaminy kukai. Na Ndoo yeto alollye fya kyama akaa nakutae.”

Naasany yeni tereveny indi, ‘Nde weeru kukee efo iruveeu; irina lyafo lyivikwa yeele, umangyi lwafo lushe. Kindo kyafo kukundye shaasa kyatanyika efo iruveeu na kunu urukeny kivetanyika indo.

Luniinge inu shoonga teru tilufye.

Kulusarye ngyulyamari teru shaasa na yese lwasarya valya valulyamarya.

Kulalurwaa efo kyeesyony, indi kulukire ekyo kivishwa. [Shamashika umangyi ni lwafo, na finya, na usuri, meeri moose allung'ani. Amen.]’

Shamashika kwakooya yeni mushefwaayaa vandu kya efyo vamulyamarye, na Nde yeto waany wa efo iruveeu ashemufwayaa.

Loleny ndeye ta efo nginiiu-te nteera nta mbeu nta yuulula-fo, nta yaalya mbesheny-fo. Lyo Nde yeto wa iruveu eefo atilelaa. A yeni nshi mutiilanyi kya mmwasi?

“Nta mulave vekusanyirya masaa kunu urukeny. Mfo kurukuru ilyaa na kurere na manyinyi akasuma mmba akaiva. Indi kusanyiryeny masaa efo iruveeu kundo kulaifo kurukuru ilyaa nta kurere, nta manyinyi nalaifo asumaa mmba akaiva. Shamashika ando kusurumyi umasi lwafo na ngoo yafo nng'u ando ikai.”

“Nkwiiyo nndu ashiidimaa irundya vanndumi vavii-fo. Mashika ndesa ashesua yeto umwi na ikunda yeto wa kavii. Ao ndesa ashetiraa yeto umwi namini yeto ungyi. Nta mmushiidimaa irundya Iruva musande na irundya masaa a ulana elu-fo.”

Naasany, mare a efo mbuveny aiyo inu na ndesi akandeerwa iyeny, kimmba Iruva amfyaambika indo afikaany yeni mukee va kikusiryo kidu nshi ashemweengeryaa?

Indi elyi kwiifo kuniingya kyaanu kya vakiva, kulare woko lwafo umuso lumanyi ekyo woko usha lwiifo lutanaa. Na kyaanu kyafo kyeeninga vakiva kive ni kirika na ndoo yeto alollye fya kirika akaa nakutae.”

“Kwiiseny efyo fya usumanu mutanaa mulasheefitana efo fisanguny fya vandu mukooye ilollyo mmbo. Kwakooya kulaore ni indo, nkukiiyo-se isina mutiri efo kwa Nde yeto waany wa efo iruveeu-fo.

Na elyi mushekootoyaa nta mulave sha vakunang'ari. Mashika wo mmbo vakusha fisangu naambo vamanyike efo vanduny mmbo veefo vakootoyaa. Ni kya dede shamuvia, ‘Isina lyawo alyo vammeelyiwarya.’ Indi kyafo yewe elyi kukekootoya amba nrwe wafo mafura kuvesangya kisangu. Naambo kulamanyike efo vanduny mmbo kwiifo kukootoyaa. Mmbo kumanyikaa yefo kwa Ndoo yeto akee efo kyaminy. Na Ndoo yeto alolye fya kyama akaa nakutaa.”