Populära bibelverser från MORUTI 3

Dela

Dintho tsohle di beetswe dinako tsa tsona, nako tsa ho etsa tsohle mona lefatsheng

Ke nako ya ho tswalwa le nako ya ho shwa, nako ya ho hloma le nako ya ho hlomola; nako ya ho bolaya le nako ya ho fodisa, nako ya ho heletsa le nako ya ho haha

nako ya ho lla le nako ya ho tsheha, nako ya maswabi le nako ya mohobelo; nako ya ho lahla majwe le nako ya ho a phutha, nako ya ho akana le nako ya ho se akane

nako ya ho tabola le nako ya ho roka, nako ya ho kgutsa le nako ya ho bua; nako ya ho rata le nako ya ho hloya, nako ya ntwa le nako ya kgotso.

nako ya ho batla le nako ya ho tela, nako ya ho boloka le nako ya ho lahla

Ke tseba le hore tsohle tseo Modimo a di etsang di tla hlola kamehla yohle. Ha ho letho leo motho a ka le eketsang kapa a le fokotsa ho tsona. Modimo o etsa tsena hore batho ba tle ba mo tshabe.

Yaba ke bua ka pelo, ke re: “Modimo o tla ahlola ya lokileng le ya kgopo; ntho ka nngwe e na le nako ya yona, ketso ka nngwe e na le nako ya yona.”