Populära bibelverser från MORUTI 4

Dela

Ba babedi ba feta ya mong, moputso wa bona o a hlamatseha. Ha e mong a ewa, e mong o a mo tsosa; ho madimabe ya wang ho se na mothusi!

Ntjapedi ha e hlolwe ke sebata, thapo e kgwele di tharo e dieha ho kgaoha.

Ba babedi ba a futhumatsana ha ba kopanetse dikobo; ya robetseng a le mong a ka futhumala jwang?

Seatla se le seng se fupereng kgotso se feta tse pedi tse tshwereng ka thata, tse lelekisang moya feela.

Ka hlokomela hore boikitlaetso bohle le katleho yohle, di tswalwa ke ho honohelana ha batho. Hona le hona ke lefeela le tshwanang le ho lelekisa moya feela.

Mohlankana ya futsanehileng, empa a le bohlale, o feta kgosi e tsofetseng, e sethoto, e seng e sa tsebe le ho mamela dikeletso.