1
Mácie 5:15-16
bqj Firim fafu fal Aláemit
bqjDBL2
An mat’usaen may ejaŋa uban nuŋar yo ubaŋ ñáraru elaᵽ ; bare til níh’íni nuremben yo n’ebamba yay, to éju me efijigen bugan bugagu ᵽe gaamme ni yaŋ yay. Mbi gajaŋaul gujaŋ mamu bújoŋor bugan bugagu min mbi gujuh bakanerul báari mee, ban n’gusal Ᵽayul aamme fatiya mala bo.
Jämför
Utforska Mácie 5:15-16
2
Mácie 5:14
Buru juomme gajaŋa gagu gaa mof mamu. Esúh yateᵽi fatiya firijaŋ éjuut ekoᵽeni.
Utforska Mácie 5:14
3
Mácie 5:8
Gásumay gúni ni bugagu bugo uinumil ukur me : ᵽan gujuh Aláemit !
Utforska Mácie 5:8
4
Mácie 5:6
Gásumay gúni ni bugagu gabaŋ me gaᵽinoril ᵽe ni filiᵽ eroŋ buroŋ baĉole bújoŋor Aláemit : waf waw wo guliᵽe me ᵽan gubaj wo !
Utforska Mácie 5:6
5
Mácie 5:44
Bare ínje niegul : Júbboli ulatorul, ban jilaw bi ni gálatieneul me.
Utforska Mácie 5:44
6
Mácie 5:3
« Gásumay gúni ni bugan bugagu gaalenoro me bújoŋor Aláemit : Jávi Aláemit jolil jom !
Utforska Mácie 5:3
7
Mácie 5:9
Gásumay gúni ni bugagu garoke me bi mala gajamor : Aláemit ᵽan ajogil ti guñolol !
Utforska Mácie 5:9
8
Mácie 5:4
Gásumay gúni ni bugagu gaamme n’ukoŋ : Aláemit ᵽan asaforil !
Utforska Mácie 5:4
9
Mácie 5:10
Gásumay gúni ni bugagu bugo gúlatiene me mata maaro gukane : Jávi jaju jaa fatiya jolil jom !
Utforska Mácie 5:10
10
Mácie 5:7
Gásumay gúni ni bugagu gáju me ñarum enil : Aláemit ᵽan arumil enil !
Utforska Mácie 5:7
11
Mácie 5:11-12
Gásumay gúni ni buru bugan bugagu bajelerul, bálatienerul ter balober maarat mánoman guya ni buru múmbam. Júsumaet, jísangor mata bacam bámah ubu bo m’bunageul fatiya n’émit. Juosen búoh mamu may gúlatien mee uboñer waw bugal Aláemit bugaa no.
Utforska Mácie 5:11-12
12
Mácie 5:5
Gásumay gúni ni bugagu gabubi me : gafumil go guomme mof mamu !
Utforska Mácie 5:5
13
Mácie 5:13
Buru juomme misis mamu maa mof mamu. Bare íni me misis múbbure gafira gagu gala mo, wa ᵽan uŋar min úbbañenul mo go ? Mubbañut maer munafa wáfowaf ; ebelen tíyaŋ bare, nihi bugan bugagu guhah mo bo.
Utforska Mácie 5:13
14
Mácie 5:48
Jíni ñer bugan gaĉole maagen mamu ti Ᵽayul aamme fatiya aĉol me !
Utforska Mácie 5:48
15
Mácie 5:37
Iní me bi eoh ey, juoh ey, íni bi eoh a-a, juoh a-a ; jitajen to me gabbat, ni Seytane gúᵽullo.
Utforska Mácie 5:37
16
Mácie 5:38-39
Juune búoh Bahiĉer babu buoge : “Ufumom jíĉil, nifumi jíĉil ; ufalom fíŋiŋ, nifali fíŋiŋ.” Bare ínje niegul : Jambi an akani maarat nulugen. An ategi me ni garab gárib, usenol may gamay gagu.
Utforska Mácie 5:38-39
17
Mácie 5:29-30
Iní me jíĉili jírib ban jiĉili min util, úloĉ jo ban nural jo jíralii. Hóimi úbbur jimer enili janur so n’eŋari múmei urali ni sambun sábaerit. Iní me gañeni gárib ban guĉili min util, uᵽirih go ban nural go gúralii. Hóimi úbbur gálan enili ganur so n’eŋari múmei ubeni ni sambun sábaerit.
Utforska Mácie 5:29-30