Salmos 57
57
1Bexache lazre' neda', Dios.
Bexache lazre' neda', lawe' da dxuxrén lazra' Lue'
dute̱ lázrdawa'.
Que̱zru' neda' ca dxun bedxuj dxé̱zreba' zrí'ineba'
zran xrílaba', cadxa te chee̱ da ste̱be caní.
2Guláwizra' Dios, Benne' zrente̱.
Guláwizra' Dios chee̱ gácale̱ne̱' neda'.
3Naga zúate̱' xabáa chee̱' sel-le̱' nu guselá neda' lu na'
bénnea' dxáca lazre̱' guzría xi'e̱ neda'.
Gusel-la Dios xel-la' dxexache lazre', ne da li chee̱'.
4Zua' lu da ste̱be ca tu benne' zue̱' ládujla be̱zre xixre' ca'.
Xu'a ládujla bénneache zaj naque̱' ca be̱zre xixre' ca'
dxeláguba' bénneache.
Dizra' da dxelenné̱' chia' zaj naca na ca tu xia natuche',
ne xaga nalá xéche'ze ca',
na' xrtizre̱' zaj naca na ca tu xia da nalále̱'e̱.
5Xega'ana szrénquezu' lu xabáa, Dios.
Xel-la' szren chiu' sua na lawe' dute̱ xe̱zr la xu.
6Ba zaj nabeche̱' xralaj chee̱ xele̱l-le̱' neda'.
Ba dxedú lazra' lu da dxaca chia'.
Ba zaj naxe̱ne̱' tu xe̱dxu chee̱ cheajcházia' lu'ule na.
Lu'ule da na' ba xeajlecházqueze le̱'.
7Ba zúate̱queze lázrdawa', Dios.
Ba zúate̱queze lázrdawa' chee̱ gúl-laqueza' da güe lá'ana' Lue'.
8Bebán lazre', bénne'du xu'a, ne le xebán lázrele,
le'e dxínnele da dxúl-lale̱nle, ne da zríadi'i na du.
Che zílala chásaqueza'.
9Güe lá'anaqueza' Lue' ládujla bénneache chiu', Xran.
Gúl-laqueza' chiu' lau benne' xúgute̱ cue' xe̱zr la xu,
10lawe' da naca xel-la' dxexache lazre' chiu' zrendxa ca xabáa,
na' da li chiu' naca na zrendxa ca beuj bza ca'.
11Xegá'ana szrénquezu' lu xabáa, Dios.
Xel-la' szren chiu' sua na lawe' dute̱ xe̱zr la xu.
Aktualisht i përzgjedhur:
Salmos 57: zat
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1981, Wycliffe Bible Translators, Inc. All rights reserved.