Salmos 58
58
1Le'e dxenná beale ¿da li dxuchálajle da naca xrlátaje?
¿Dxuchí'ale ca naca da li chee̱ bénneache chia'?
2¡Cabíze̱'!
¡Lu lázrdaule dxugú'u beale da zrinnaj!
¡Sté̱bele̱'e̱ dxuzúale bénneache lu xe̱zr la xu chia'!
3Zaj nazrinnaj lázxdau benne' ca' zaj nabéaj xíchaje̱' neda'
gate gulálajte̱'.
Belexase dínnaje̱' dxelún lazre̱' gate gulezante̱ xrne̱'e̱ le̱'.
4Dizra' da dxelenné̱' zaj naca na da dxelute bénneache
ca da zria zran lazxa be̱la'.
Zaj naca na ca be̱la' snia, be̱ nácaba' be̱ cuezru.
5Quebe dxenba' chi'i benne' dxunné̱' le̱ba'
lácala dxenné̱le̱'e̱ xrtandau'.
6Dios, gudichaj lazxa benne' ca'.
Gudichaj, Xran, lazxa benne' ca' zaj naque̱' ca be̱zre xixre' ca'.
7Be̱n xelexenítie̱' ca nisa da dxelalaj na lu xu.
Gate dxulusane̱' xaga nalá xéche'ze chee̱',
be̱n xeledé na chalá'ala.
8Be̱n xeledé chee̱' ca dxaca chee̱ be̱ zaga dxelexexúnaba'.
Be̱n québedxa xelelé'ene̱' gubizra ca tu bidau' dxálajbe'
ba nátebe'.
9Nédxula gate quebe ne la xesu' lu xi'
xecá'a Dios benne' ca' tu lu be' bdunu',
benne' zaj naca bane̱', ne benne' ca' zaj zua xelatie̱'.
10Wabé benne' xrlátaje gate lé'ene̱' xebéaj lazre' Dios
benne' ca' dxelune̱' da cale̱la.
Guchuchu guléaje̱' dxen chee̱ benne' zaj nabéaj xíchaje̱' Dios.
11Nadxa nne̱ bénnea': “Da líqueze de̱ lazruj chee̱
benne' xrlátaje.
Da líqueze zua Dios, Bénnea' dxuchi'e̱ chee̱ bénneache
zaj zre̱'e̱ lu xe̱zr la xu.”
Aktualisht i përzgjedhur:
Salmos 58: zat
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1981, Wycliffe Bible Translators, Inc. All rights reserved.