Salmos 56
56
1Bexache lazre' neda', Dios, chee̱ quebe xuluzría xi'
bénneache neda'.
Tu zra tu zra dxulusaca zi' bénneache neda', benne' ca'
dxeledíl-lale̱ne̱' neda'.
2Te zra chizrela benne' ca' dxeledábague̱' neda'
dxulucá'ana dítaje̱' neda',
lawe' da zaj zra' benne' zante̱, benne' dxeledíl-lale̱ne̱' neda'
lu xel-la' dxulucá'ana szren cuine̱'.
3Lu zra dxezreba', dxuxrén lazra' Lue'.
4¡Dxuxrén lazra' Dios, na' güe lá'ana' xrtizre̱'!
¡Dxuxrén lazra' Dios, na' québedxa zreba'!
¿Bízraqueze gaca gun bénneache chia' neda'?
5Xúgute̱ zra dxuluchuque̱' xrtizra'.
Ca naca da dxelegú'u be'e̱ zaj naca na chee̱ xelune̱' chia'
da cale̱la.
6Dxelezrague̱', ne dxulucache cuine̱'.
Dxelenná' xánnie̱' ca da dxuna'.
Dxelilaj lazre̱' ca xelune̱' xelútie̱' neda'.
7Dios, bxue ca da dxelune̱',
na' dute̱ xel-la' dxezrá'a chiu' bzria xi' benne' ca'.
8Nézqueznu' Lue' ca dxuzrúnnuja' lau benne' ca'.
Bsa lazre' nisa da ba gudxezra'.
¿Quebe zaj naxúaj na lu xiche chiu'?
9Gate dxuláwizra' Dios, lu zra ná'queze xuluxuzrunnuj
benne' ca' dxeledábague̱' neda'.
Nézquezda' zúale̱ Dios neda'.
10¡Dxuxrén lazra' Dios, na' güe lá'ana' xrtizre̱'!
¡Dxuxrén lazra' Xránadxu, na' güe lá'ana' xrtizre̱'!
11¡Dxuxrén lazra' Dios, na' québedxa zreba'!
¿Bízraqueze gaca gun bénneache chia' neda'?
12Nabaga' ca da nache̱be lazra' chiu', Dios.
Gúl-laqueza' da güe lá'ana' Lue'.
13Ba bseláu' bénne'du xu'a lu xel-la' gute,
ne bebéaju' ni'a naga zaj zua cheajlechaze na,
chee̱ gaca chu'a lau Dios lu xel-la' naxaní' da dxunne̱'
chee̱ benne' ca' zaj naca bane̱'.
Aktualisht i përzgjedhur:
Salmos 56: zat
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1981, Wycliffe Bible Translators, Inc. All rights reserved.