නත්ත‌ලේ සමාදානය සහ පොරොන්දුවනියැදිය

ඒ සියල්ල ආරම්භ වූ ස්ථානය

පියාණන්වහන්සේ විසින් පුත්‍රයාණන් ලෝකයාගේ ගැලවුම්කාරයා කොට එවූ බව .. – 1යොහන් 4:14

සමහරවිට ඔබට මෙම නත්තල් ගීතිකාවේ යේසු උපත ගැන ප්‍රකාශවන පුදුමය ගැන ඔබට සිහිවෙනවා ඇත:

ඔබගේ සිංහාසනය සහ ඔබගේ රාජකීය ඔටුන්න ඔබ අත්හැරියසේක,
එහෙත් මා උදෙසා ඔබ පොළොවට පැමිණි විට;
බෙත්ලෙහෙමේ නිවසේ ඔබේ උපතට
කාමරයක ඉඩක් නැතිවිය. ( ඉංග්‍රීසි ගීතිකාවේ අදහස කෙටියෙන්)

වසර ගණනාවක් පුරා එම පදවල බලය රැඳී පවතී. සත්‍ය නම්, පිලිප්පි 2: අපෝස්තුලු පාවුල් ලියූ ලෙස මෙහි පැමිණීමට පෙර යේසුස්වහන්සේට යම්දෙයක් අත්හැරීමට තිබුණි. “ක්‍රිස්තුස් යේසුස්වහන්සේ . . . දෙවියන්වහන්සේගේ රූපාකාරය දරනසේක්, දෙවියන්වහන්සේට සමානව සිටීම අල්ලාගනම සිටිය යුතුවූ වස්තුවකැයි නොසිතා” (පද 5-6). මෙම ගීතයේ අත්හැරීම සහ පැමිණීම යන තේමාව යොහන් ශුභාරංචියේ ආරම්භයේදීම දෝංකාර දෙයි. “පටන්ගැන්මෙහිදී වාක්‍යාණෝ සිටිසේක, වාක්‍යාණෝ දෙවියන්වහන්සේ හා සමග සිටිසේක, වාක්‍යාණෝ දෙවියන්වහන්සේව සිටිසේක. උන්වහන්සේ පටන්ගැන්මෙහිදී දෙවියන්වහන්සේ සමග සිටිසේක” (යොහන් 1:1-2).අපට දැක්වූ ආදරය කොපමණ පූර්ණද කියා දක්වන මිම්ම මෙයයි: අප අපගෙන්ම සහ අපගේ පාපයෙන් ගළවන්නට ඒමට පුත්‍රයාණන් කැමතිවුනා පමණක් නොව, එම සදාකාල අරමුණ සම්පූර්ණ කිරීමට උන්වහන්සේ එවීමට පියාණන්වහන්සේ කැමතිවූසේක. පුදුමාකාර දිව්‍යමය ප්‍රේමය ගැන මීට වඩා කිව හැක්කේ මොනවාද: “පියාණන්වහන්සේ විසින් පුත්‍රයාණන් ලෝකයාගේ ගැළවුම්කාරයා කොට එවූසේක” (1 යොහන් 4:14).

නත්තල “ප්‍රේමයේ කාලය” ලෙස හඳුන්වා තිබේ. එය සත්‍යයි - අප සමරන්නේ යේසුස්වහන්සේගේ ප්‍රේමයයි.

ක්‍රිස්තුස්වහන්සේගේ යටහත් පටන්ගැනීම් තුළින් ඔබට ඉස්මතුව පෙනෙන්නේ මොනවාද?
මේ වසරේ ඔබේ නත්තල් පිළිවෙත්වලට මෙය කෙසේ බලපානු ඇද්ද?

ස්වර්ගීය පියාණෙනි ඔබගේ පුත්‍රයාණන් - අප වෙනුවෙන් මේ ලෝකයට එවූ නිසා ඔබට ස්තුතියි !