Versete biblice populare din Matäus 6

Împărtășește

Rapaki mas wein Kot o a pung, a mepukat karos pan pouselang komail.

Eder ngongki ong lakap; pwe lakap pan ngongki ong pein i; a itar ong ran eu pein a sued.

I me I indaiki ong komail: Eder ngongongki ong maur omail, me komail pan kang o me komail pan nim, pil sota ong war omail, me komail pan likau kida. Pwe maur so kasampwal sang kisin manga, o pali war sang likau?

A koe lao wia kapakap, ko ong nan om pera, a koe lao ritingidier wanim o, ap kapakap ong Sam om, me kotikot wasa rir, a Sam om, me kin masani wasa rir, pan kotin katingi uk.

A iet duen omail pan wia kapakap: Sam at, me kotikot nanlang. Mar omui en saraui. Wei omui en pwaida. Kupur omui en wiaui sappa dueta nanlang.

Kotikido ran wet at tungol kaukaule.

Lapwa sang kit dip at, dueta kit me kin lapwada koros, me wia dipi ong kit.

Eder kaluang kit ren me katikatiamau kan, a nekid kit sang ni me sued akan

Pwe ma komail pan makeki ong aramas dip ar akan, Sam omail nanlang pan pil makeki ong komail.

Kalelapok ong manpir pan lang; re sote, kin kamoredi, re soin kin dolung, re sota kin nak pena; ari so, Sam omail nanlang kotin kamakamanga irail; a ia duen, komail so kasampwal sang irail?

Komail der ki pena omail pai kan nin sappa, wasa man en mot o mir pan kawela ia, o men pirap kin weirada o pirapala. A komail ki pena omail pai kan nanlang, wasa man en mot de mir sota pan kawela, o men pirap sota kin weirada de pirapala. Pwe wasa om pai mia ia, iei wasa mongiong om kin pil mia ia.

Sota amen me pan kak papa saumas riamen, pwe a pan kailongki amen, ap pok ong me teio, de a pan kasampwaleki amen, ap mamaleki me teio. Komail sota pan kak papa Kot o mamon.

Ari, ma iduen Kot kotin kapwataki dip, me mi nan sap, me kin mi ran wet, a lakap pan lokidokila nan kisiniai, dadue a sota pan kotin kalikauwi komail da, me poson tikitik?

A koe lao kisakis, der kasale ong pali maing om, me pali maun om kin wiada. Pwe om kisakis en rir; a Sam om, me kin masani wasa rir, pan kotin katingi uk.

KOMAIL kalaka, pwe komail der kisakis sansal mon aramas, pwe ren udial; pwe ede sota pwain omail ren Sam omail, me kotikot nanlang.

Komail lao kaisesol, eder mas en sang duen me malaun akan, pwe re kin kawukila mas arail, pwe aramas en kilang arail kaisesol. Melel I indai ong komail, re aleer arial pwain. A koe lao kaisesol, usor mong om o opinok. Pwe koe dor kasale ong aramas om kaisesol, a ong Sam om, mi kotikot wasa rir, a Sam om, me kin masani nan wasa rir, pan kotin katingi uk.