Nasa kamay Niya ang Kanyang buhay 👐

Napanood mo ba ang movie na Bruce Almighty? Isa itong comedy kung saan ang isang ordinaryong tao ay naging diyos sa loob ng sandaling panahon. Siyempre, comedy nga ito, kaya hindi ito based on truth. But movies like this challenge us to think about what we would do if we were God.

Malamang, karamihan sa atin, kapag inisip natin kung ano ang gagawin kung tayo ang Diyos, matutukoy na panahon na ito upang maging makapangyarihan sa lahat. At tama naman, hindi ba?

Pero alam mo bang si Jesus, kahit na Siya ay Diyos, ay pinili pa ring maging mapagkumbaba hanggang sa pinakahuling pagkakataon. Kung akala mo wala Siyang magawa noong hinuli Siya at ipinako sa krus, hindi ito totoo. Ang katotohanan ay, hanggang sa huli, makapangyarihan pa rin Siya, ngunit pinili Niya talagang mamatay para sa atin. Makikita natin ito sa isa sa 7 last words Niya:

"Father, into Your hands I commit my spirit.” (Luke 23:46)

Matapos Niya itong sabihin, “nalagot ang kanyang hininga.” Nagpapakita ito na Siya pa rin ang may hawak ng Kanyang buhay, at pinili Niyang ibigay ito para sa atin.

Nakakamangha, hindi ba? Ang Panginoon natin ay Siyang makapangyarihan, ngunit mahal na mahal Niya tayo at pinili Niyang ibigay ang buhay Niya para sa atin. Gaya ito ng sinabi Niya sa John 10:18: “Walang makakakuha ng aking buhay, kundi kusa ko itong ibinibigay. May kapangyarihan akong ibigay ito, at may kapangyarihan din akong bawiin ito.”

Kung may pinagdadaanan ka ngayon, that’s causing you to question if anybody loves you, imagine the picture of Jesus hanging on the cross and giving up His life for you, can reassure you that yes, He loves you!

Tandaan mo, isa kang miracle!

Ito na ang huling araw ng planong ito. Kung nais mong makatanggap ng encouraging email araw-araw, inaanyayahan kitang mag-subscribe sa May Himala Every Day. Kapag nag-subscribe ka, makatatanggap ka rin ng libreng wallpaper!