EsterSample

Wysheid van Bo

Lees: Ester 1:13-18; Spreuke 14:8

SOAP: Spreuke 14:8

"Die wysheid van 'n verstandige mens wys vir hom 'n duidelike koers aan; die dwaasheid van 'n dwase mens maak alles vals."

Oordenking

Dit maak werklik saak met wat ons onsself omring, nie waar nie? Koning Ahasveros het dit op die harde manier geleer. Hy was omring deur mans wat hom slegs wêreldse raad gebied het en hom op 'n pad van verwardheid en slegte keuses gelei het. Alhoewel Mordegai, 'n man van goddelike wysheid, in sy lewe was, het koning Ahasveros hom nie geraadpleeg toe hy raad nodig gehad het nie. Inteendeel, hy het op raadgewers staatgemaak wie se wêreldse wysheid gespruit het uit trots en persoonlike gewin.

Het jy jouself al ooit in 'n soortgelyke situasie bevind? In tye van onsekerheid of probleme is dit aanloklik om te luister na die stemme wat die hardste of die gerieflikste is. Sosiale media, selfhelp boeke of selfs vriende wat dit goed bedoel, kan vinnig die bronne word waarnatoe ons gaan vir raad. Maar net soos koning Ahasveros, wanneer ons op wêreldse wysheid staatmaak, lei dit net tot meer verwarring en nie duidelikheid nie. In plaas daarvan om te help om die situasie waarin die koning homself bevind het op te los, het die koning se raadgewers dit slegter gemaak.

Spreuke 14:8 herinner ons dat goddelike wysheid — gewortel in sy Woord — ons help om die lewe se uitdagings met vrede en duidelikheid te navigeer. Wie ons kies om saam met ons te wandel in hierdie oomblikke, maak al die verskil. Omring ons onsself met mense wat ons terug na God se waarheid toe wys? Spreek hulle God se waarheid in ons situasies in of voeg hulle net meer verwarring by?

Dit is belangrik om raad te vra van diegene wat na aan die Here leef, wie se wysheid God se hart openbaar. Wanneer ons dit doen, kan ons rus in die sekerheid dat ons nie die lewe se uitdagings alleen in die gesig staar nie. God, in sy oneindige wysheid, het ons sy Woord en goddelike verhoudings gegee om ons te lei.

Gebed

Here Jesus, wanneer beproewings op my pad kom, help my om u wysheid bo alles te soek. Omring my met mense wat U ken en liefhet, wat my terugwys na u Woord en waarheid. Mag ek altyd eerste na U draai vir wysheid en u perfekte plan vertrou. Amen.