အသိနဲ့သတိရဲ့အလွန်Sample

ထိုကဲ့သို့ သတိမရှိ၊ ဗီဇမကင်း၊ ဖြူစင်အောင် အမြဲမကြိုးစားနိုင်သူတွေအဖို့၊ ထာဝရဘုရား ပြုပေးသည့်အမှုမှာ မိမိကိုယ်တော်တိုင် ဘုရားအဖြစ်မှ လူသားအဖြစ်ခံယူရန် လွန်ခဲ့သော နှစ်ပေါင်း နှစ်ထောင်ကျော်ခန့်တွင် ဤလောကထဲသို့ ယေရှုဟူသော နာမည်ဖြင့် အစ္စရေးနိုင်ငံရှိ အပျိုစင်စစ်၏ဝမ်းမှ မွေးဖွားလာခဲ့ပါသည်။

သက်တော်သုံးဆယ်တွင် လူတွေ၏ နီသောအပြစ်များကို သူ၏ သန့်ရှင်းသောအသွေးနှင့် ဆေးကြောသန့်စင်ပေးခြင်းဖြင့် ကယ်တင်ခြင်းအမှုပြုရန် လက်ဝါးကပ်တိုင်တွင် အသက်ပေးခဲ့သည်။ သဂြိုဟ်ခံခဲ့သည်။ သုံးရက်မြောက်နေ့တွင် သေခြင်းမာန်ကို အောင်မြင်ပြီး သူသာလျှင် ကယ်တင်ရှင်ဘုရားဖြစ်ကြောင်း ရက်ပေါင်းလေးဆယ်လုံးလုံး လူအများရှေ့တွင် ထင်ရှားပြသခဲ့သည်။

ဤလောက၌ လူတိုင်းအတွက် ယေရှုဘုရား ပြုပေးသည့် ကယ်တင်ခြင်းအမှုကို တစ်ကမ္ဘာလုံးတွင် အသုံးပြုနေသည့် ခရစ်သက္ကရာဇ် ၂၀၁၉ ပြက္ခဒိန်နှင့်အတူ ယခုလက်ရှိ ရှိဆဲ အစ္စရေးနိုင်ငံကို ကြည့်ခြင်းဖြင့် သိနိုင်သည်။

အသိနဲ့သတိရဲ့အလွန် တစ်ခုလို ဘုရားပြုပေးသည့် အသက်ပေးကုသိုလ်သည် မိမိအတွက်သာဖြစ်သည်ဟု ရိုးရိုးလေး၊ လက်ခံယုံကြည်သူသည် မမြင်ရသေးသည့် တမလွန်အတွက် စိတ်အေးချမ်းစွာ နေနိုင်သလို၊ သေလွန်သည့်အခါ မိမိကို လက်ကမ်းကြိုဆိုနေသည့် ထာဝရအိမ်တော်သို့လည်း ပြန်စရာလမ်းရှိမည် ဖြစ်ပေလိမ့်မည်။

ထိုအရာသည် ချစ်မိတ်ဆွေအတွက် ဘုရားပြုပေးသော အံ့ဩဖွယ်မေတ္တာလက်ဆောင်ဖြစ်ကြောင်းကို အသိနဲ့သတိရဲ့အလွန်တစ်ခုလို မေတ္တာဖြင့် ဝေငှလိုက်ရပါသည်။

ယေရှုခရစ်သည် အပြစ်ရှိသောသူတို့ကို ကယ်တင်ခြင်းငှာ ဤလောကသို့ ကြွလာတော်မူသည်ဟူသော စကားသည် သစ္စာစကားဖြစ်၏။