भितीच्या वेळेस विजय

आपल्या सर्वांना वाटणा-या भिती पैकी सर्वात भितीदायक भिती कदाचीत मरणाची भिती आहे. मरणाची भिती विशेषतः जेव्हा आपण छळाच्या परिस्थितीचा सामना करतो तेव्हा ते आपली शांती भंग करू शकते. मरण आपला शत्रू नाही कारण येशूने वधस्तंभावर त्याचा पराभव केला. आपण मरणाची भिती बाळगू नये कारण ख्रिस्त येशू मध्ये आपण जे आहोत त्या आपल्यावर त्याला अधिकार नाही. आपण स्वतःला सतत आठवण करून दिली पाहिजे की आपल्या शरीराचा छळ होत असला तरी मरण आपल्याला येशूसाठी निर्भय असे जीवन जगण्यापासून रोखू शकत नाही.

पतमस बेटावर हद्दपार केल्या नंतर,योहानाला अनेक त्रासदायक अनुभव आले. कदाचीत त्याच्या सर्वात खोल मृत्यूच्या भितीच्या मध्ये त्याला ख्रिस्ताच्या संपूर्ण वैभवाचा अनुभव घेण्याची संधी मिळाली. त्या अद्भूत दृष्याने योहानाला येशूच्या पायाजवळ नतमस्तक होण्यासाठी प्रेरीत केले. परंतू येशू कोण आहे याची त्याने त्याला आठवण करून दिली! त्याने केवळ मृत्यूचा पराभव केला नाही तर त्याच्याकडे मरण व अधोलोकाच्या चाव्या होत्या. म्हणून जेव्हा तुम्ही छळाच्या आणि मृत्यूच्या भितीचा सामना करता तेव्हा ज्याने त्याच्यावर विजय मिळविला आणि ज्याच्या कडे चाव्या आहेत त्याची आठवण ठेवा.

वचनबध्द व्हा आणि प्रार्थना कराः

मरणाची भिती तुम्हाला घाबरविते काय?ज्याच्या कडे मृत्यूच्या व अधोलोकाच्या चाव्या आहेत त्याची तुम्ही स्वतःला आठवण करून देऊ शकता काय,

प्रार्थना करूया की छळाच्या सर्वात गडद क्षणात भिती आपल्यावर हावी होणार नाही आणि आपण ख्रिस्त येशूच्या ठायी कोण आहोत याची आपल्याला आठवण होईल,‘‘मरणाची नांगी मोडली आहे.’’