FCA 365 Өдрийн Чимээгүй ЦагSample

НҮДНИЙ ФОКУС

П.Ж.Медури

Тэр
—Ир гэлээ. Петр завинаасаа гарч, усан дээгүүр алхлан Есүс рүү явлаа.
Гэвч Петр ширүүн салхи хараад айн живж эхлэв. Тэгээд
—Эзэн минь, намайг авраач гэж орилоход нь...
— Матай 14:29б–30

Спортод нүд маш их чухал. Сүүлийн мөчид тоглогч бөмбөгнөөс нүдээ салгаснаар
бөмбөгөө алддаг. Дасгалжуулагчийн хувьд та тамирчдаа гэмтэл бэртлээс хамгаалахын
тулд, мөн үр дүнтэй тоглуулахын тулд зөв зүйлийг харахад туслахын тулд, “Толгойгоо
өндийлгө” гэж байнга анхааруулдаг байх.
Дасгалжуулагчид Элч Петртэй ер нь адилхан. Бид улирлын тоглолтоо сайнаар эхлүүлж
магадгүй, гэхдээ долоо хоног өнгөрөх тусам бид улирлын туршид салхилж буй хүнд хэцүү
салхийг мэдэрдэг. Хэрэв бид салхийг хараад л байвал Есүс рүү харж чадахгүй, мөн Есүс рүү
харахгүй бол бидний итгэлийн алхаа зүдэргээтэй, зорилгогүй мэт санагдах болно. Сүнслэг
үргүйдлийн нэг шалтгаан нь “ертөнцийн зовнил” (Мк 4:19) гэдгийг Бичээс анхааруулдаг.
Бурханы Үгэнд анхаарлаа хандуулж, залбирах нь дасгалжуулагчдын хувьд хамгийн сайн
тоглолтын төлөвлөгөөг гаргах түлхүүр бөгөөд энэ нь хамгийн эгзэгтэй мөчид ч гэсэн Есүс
рүү анхаарлаа хандуулах явдал юм. Энэ бол Есүсийн загварчилсан төлөвлөгөө юм. “Үүр
шөнөөр Тэр босоод гадагш гарч зэлүүд газар очин, тэндээ залбирч байв” (Mк 1:35) гэдэг.
Бид өдрийн аль ч цагт хамаагүй, Бурхантай хамт байх цагийн хуваарь гаргах нь завгүй,
бухимдалтай улирлын турш хараагаа Бурхан дээр төвлөрүүлэхэд тустай.

1.Таны хувьд Есүстэй өдөр бүр уулзахад тохиромжтой сайн цаг хэдийд байдаг вэ?
2.Библи унших нь сүнслэг тоглолтын хатуу төлөвлөгөөнд хэрхэн нийцдэг вэ?
3.Энэ төлөвлөгөөг хэрэгжүүлэхэд таньд ямар сорилт тулгардаг вэ?
4.Нэмэлтээр унших: Дуулал 119: 105–112

Аав аа, өдөр бүр Тантай хамт байхад минь туслаач. Амен.