FCA 365 Өдрийн Чимээгүй ЦагSample

ХАЖУУД БАЙХААР ДУУДАГДСАН НЭГЭН

Пайт Стрийт

Би Эцэгээс гуйхад Тэр та нарт өөр Туслагчийг өгнө.
Тэр нь та нартай үүрд хамт байна.
- Иохан 14:16

Есүс шавь нараа орхиод тэнгэр лүү буцахаас өмнө тэдэнд “Зөвлөх” буюу туслагч Ариун
Сүнсийг илгээнэ гэж амласан. Туслагч гэдэг үг грек хэлэнд “Хажууд байхаар дуудагдсан”
гэсэн утгатай. Тэр бидэнд туслахын тулд хажууд минь зогсож байх бөгөөд Христэд итгэгчид
бид сүнсний дайн болон асуудалтай ганцаараа нүүр тулдаггүй.
Үүнийг Жеки Робинсоны тухай түүхээр тайлбарлая. Тэрээр бейсболын дээд лигт тоглосон
анхны хар арьст эр байв. Арьс өнгөний ялгаварлалыг эвдэхээр цэнгэлдэх хүрээлэн бүрт
цугларсан олон хүмүүстэй тэр нүүр тулдаг байв. Тэрбээр Брүүклин дэх гэрийнхээ цэнгэлдэх
хүрээлэнд нэг өдөр тоглож байхдаа алдаа гаргасан бөгөөдфенүүд нь түүнийг шоолж эхлэв.
Тэрээр хоёрдугаар тавцан дээр зогсож байлаа.Дараа нь намхан нуруут Пи Ви Риз ирээд
түүний хажууд зогслоо. Тэр Жэкиг тэврээд,үзэгчид рүү харан зогсоходфенүүд нь чимээгүй
болж,дуугаа хураацгаасан юм. Робинсон хожим ньтэр тэврэлт л түүний карьерыг аварсан
гэжээ. Риздараа нь “Би хар арьстай байгаад лигт орсон бол хэн нэгэн миний анд болоосой
гэж хүсэх л байсан” хэлжээ.
Ариун Сүнс бидний төлөө үүнийг хэдэн удаа хийсэн бэ? Бид ганцаардаж, шаналж,
сэтгэлээр унаж, бууж өгмөөр санагдсан үед Түүний амар тайван оршихуй бидэн дээр буудаг.
Эсвэл Тэр өөр нэгэн Христэд итгэгч нэгнээр дамжуулан бидэнд тусалдаг.
Ариун Сүнс үргэлж бидний хажууд зогсож, ямар ч үед туслахад бэлэн байдаг гэдэгт
итгэлтэй байж болно.

1.Ариун Сүнс бол “Туслагч” гэсэн үг таны хувьд ямар утгатай вэ?
2.Ариун Сүнс танд Есүсийг хэрхэн илчилсэн бэ?

Ариун Сүнсээ,би Танаас тусламж, удирдамж, хүч чадлыг хүсч Есүсийн нэрээр залбирч
байна. Амен.