30daysofbiblelettering Round 4 - Devotional Sample

Ganito ang sabi ng Panginoong Dios sa mga butong ito: Narito, aking papapasukin ang hinga sa inyo, at kayo'y mangabubuhay. Ezekiel 37:5 (Ang Dating Biblia (1905))

Hindi ko alam sa'yo pero nararamdaman ko na ang pagiging okupado o busy sa buhay ay madalas sanhi ng ating pagkabagabag. Nagiging busy na tayo sa lahat ng bagay sanhi ng pagkalimot natin ng oras para sa Panginoon. Dahil dito unti-unti na tayong nang natutuyo ang ating paglalakbay kasama ang Diyos. Pagod, hapung-hapo, at minsan nawawalan na ng pag-asa lalung-lalo na sa mga bagay na sa tingin natin ay hindi na magbabago pa. Pero ang gusto ko kay Lord ay hindi Niya tayo pinababayaan. Kahit sa mga wala ng pag-asang mga pangyayari sa buhay natin, may pangako ang Panginon na bibigyan Niya uli tayo ng buhay. Nagbigay din Siya ng parehong mensahe sa pamamagitan ni Hesus sa John 10:10. Ipinahayad Niya na pumunta Siya dito para mabuhay tayo nang buo-buo. Kaya ikaw, kung feeling mo pagod ka at wala nang pag-asa, bigyan mo ng oras si God para bigyan ka muli ng buhay at palakasin ang iyong loob na nagmamalasakit si God sa'yo at gustong-gusto ka Niyang mabuhay ng matiwasay muli.

by @valster73