ઇસુ સાથેની મોઢામોઢ મુલાકાતSample

જે બાબતો થનાર છે તેને જોનાર અને વફાદારીપૂર્વક તેને લોકો સુધી પહોંચાડનાર એક ચોકીદાર થવા માટે ઈશ્વરે હઝકીયેલને બોલાવ્યો. તે કામ ઘણું કપરું હતું કેમ કે તમારા પોતાના લોકોને પ્રચાર કરવાની બાબત ઘણી સંકોચ પેદા કરનારી છે અને જયારે તેઓ આજ્ઞાનો ભંગ કરનારા અને મૂર્તિપૂજક હોય ત્યારે તે બાબત હજુ વધારે ખરાબ થઇ જાય છે. તેમ છતાં ઈશ્વરનાં લોકોને ખરાબ અને સારાં એમ બંને સંદેશાઓને પહોંચાડવા માટે હઝકીયેલ ઘણો સંયમી હતો. આ પુસ્તકમાં સતત વહેતો વિષય ઈશ્વરનો મહિમા છે. જયારે ઇઝરાયેલનાં લોકોને શત્રુનાં ભૂમિમાં ગુલામ તરીકે લઇ જવામાં આવ્યા ત્યારે એક પ્રજા તરીકે ઇઝરાયેલનો મહિમા ગાયબ થઇ ગયો અથવા તેઓને એવું લાગ્યું. તોપણ તેમના પ્રબોધકોની મારફતે ઈશ્વર પ્રગટ કરે છે કે તે પોતે ઇઝરાયેલનો મહિમા છે. ગુલામી, દુઃખ અને ખોટની કપરી સ્થિતિઓ દરમિયાન પણ, ઈશ્વર તેઓની સાથે હતા. તે તેઓને છોડીને ગયા નહોતા. તેમનાથી વિમુખ થઇ ગયેલા તેમના લોકોને લીધે તે દુઃખી હતા અને તેમના મહાન પ્રેમને કારણે તેમણે તેઓને શિક્ષા કરી. ઈશ્વરનો મહિમા પૃથ્વીને ભરપૂર કરવાનું ચાલુ રાખે છે અને આપણે જેઓ તેમના પર પ્રેમ રાખીએ છીએ અને તેમનું અનુકરણ કરીએ છીએ તેઓ પર તેમનો મહિમા રહે છે. આત્માનાં સૌથી ઘેરાં અંધકારની ઋતુઓમાં પણ, જો આપણે તેમને પ્રેમ કરવાને વિચારાધીન અને સમર્પિત હોઈશું તો આપણા જીવનોમાંથી તેમનો મહિમા કદી ટળી જશે નહિ.

પોતાને પૂછવાનાં સવાલો:

કુદરતમાં અને મારી આસપાસ ઈશ્વરનો જે મહિમા છે તેને જોવા અને તેનો આનંદ લેવા શું હું સક્ષમ છું ?

આ વર્ષે મારા જીવનમાં ઈશ્વરનો મહિમા ક્યાં નજરે પડયો છે ?