Spreuke – eenjaarleesplanSample

Verse 21 en 22: Die basiese karakter van ‘n mens kom veral onder druk na vore. Hier kry ons twee spreuke oor die basiese karakter van mense. Uiteraard kan dit nie alles sê nie, maar probeer hulle net ‘n kernwaarheid formuleer.

Soos silwer en goud se waarde deur ‘n oond getoets kan word, só kan ‘n mens se waarde getoets word deur die lof wat hy ontvang. Sy karakter bly dieselfde, selfs as hy geprys word.

Daarteenoor kan jy alles probeer om iets beter van ‘n dwaas te maak. Hom selfs fynmaal soos met graan in 'n stampblok, maar dit sal nie slaag nie. Dwaasheid kry ‘n mens nie sommer uit iemand nie. Peterson vertaal dit só goed: "Die suiwerheid van silwer en goud word getoets deur dit in die vuur te steek; die reinheid van menslike harte word getoets deur hulle 'n bietjie roem te gee. Klop op 'n dwaas net soos jy wil - jy kan die dwaasheid nie uithaal nie."