’n Rede om fees te vierSample

Viér Kersfees!

Dis feestyd! ’n Tyd om – ongeag al die onrus in die wêreld – vrede in ons harte te hê. ’n Dag om – ten spyte van al ons onopgeloste probleme – vertroue in die toekoms te hê. Vandag is ’n dag om van vreugde te sing. Want, kind van God, jou Verlosser het meer as 2 000 jaar gelede na hierdie aarde gekom om jou vry te koop … om jóú te verlos!

Mag Kersdag vanjaar vir jou ánders wees omdat jy die waarheid van die evangelie werklik jou eie maak; omdat jy opnuut besef dat jy soveel rede het om fees te vier en omdat jy weet dat jy – danksy jou Redder – vir ewig in heerlikheid gaan lééf.

Sing vandag saam met die engele in die hemel: “Eer aan God. Eer aan Hom wat in die hoogste hemel bly. En vrede vir almal hier op die aarde; vrede vir almal oor wie God nou feesvier” (Lukas 2:14).

Halleluja! Ek loof U!