Wees Sterk en StandvastigSample

Vertroue in sy krag

In die lewe sal jy en dié saam met jou baie angswekkende situasies beleef — doodsgevaar, erge spanning, ernstige siekte, finansiële druk, talle probleme. Ware moed spruit uit die wete dat God sterker is as jou grootste probleem of jou ergste vyand, en Hy wil hê jy moet gebruik maak van sy krag.

Moed is nie misplaaste vertroue in jou eie krag nie, maar standvastige vertroue in God se krag. Vrees ontstaan wanneer jy voel jy moet ’n groot bedreiging alleen hanteer, maar jy sal bemoedig word wanneer jy weet God is langs jou en Hy help jou om te veg.

Vir watter groot probleem het jy vandag krag nodig? Is jy bewus van God se teenwoordigheid langs jou?