እግዚአብሔር ከእናንተ ጋር ነው፦ ከፍርሃት፣ ከጭንቀትና ከግራ መጋባት ጋር መጋፈጥSample

ሁሉም ነገር…በሕብረት

በሉቃስ 24፡13 ከኢየሱስ መቀብር በኋላ ሁለቱ የእርሱ ደቀመዛሙርት ኤማሁስ ወደሚባል ከተማ እየሄዱ የሆነውንና እየሆነ ያለውን ለመረዳት ጥረት ያደርጉ ነበር፡፡ ግራ የተጋቡ ይመስላሉ፡፡ ከትንሽ ቆይታ በኋላ ኢየሱስ ራሱ ተቀላቅሏቸው ስለምን እንደሚያወሩ ጠየቃቸው፡፡ በዚያን ጊዜ በሁሉም ነገር የተዳከሙ ይመስላል፣ ‹‹እነርሱም በሀዘን ክው ብለው ቆሙ›› ይላል:: የሆነውንና እየሆነ ያለውን ነገር ለእርሱ ከመናገራቸው በፊት ጊዜ መውሰድና አቅም ማሰባሰብ ያለባቸው ይመስላል፡፡ በሰዓቱ አብሯቸው የነበረው ኢየሱስ መሆኑን ለማወቅ ዓይናቸው ተይዞ ነበር፡፡ ይሰማቸው የነበረው ድካም እና ግራ መጋባት ይሁን አብሯቸው የነበረው ኢየሱስ መሆኑን ከማወቅ/ከማስተዋል የከለከላቸው?

ነገር ግን ከኢየሱስ ጋር አብረው ተቀመጡና እንጀራ ሲቆርሱ በድንገት ዓይናቸው ተከፈተና ኢየሱስን አወቁት፡፡ የተፈጠረውንና የሚፈጠረውን ነገር ለመሸከምና ለመረዳት በሚሞክሩበት ጊዜ አብሯቸው ኢየሱስ እንደነበር አስተዋሉ፡፡ ሕብረት ወደ መገለጥ መራቸው፡፡ ዛሬ እያለፍንበት ባለንበት መንገድና እየተፈጠረ ባለው ነገር ሁሉ ኢየሱስ አብሮን አለ፡፡ እየሆነ ባለው ነገር ላይ ትኩረት ማድረግ በእርግጥ ወደ ድካም፣ ግራ መጋባት፣ ቁጣና ሀዘን ይመራናል፡፡ ነገር ግን ሕብረት ማድረግ የሁሉም ነገር መልስ ወደሆነው ወደ ኢየሱስ ይመራናል፡፡

ዳዊት በዙሪያው ያለውን ክፋት ካስተዋለ በኋላ በመዝሙረ ዳዊት  73፡16-17 ‹ይህን ነገር ለመረዳት በሞከርሁ ጊዜ፣ አድካሚ ተግባር መስሎ ታየኝ።  ይኸውም ወደ አምላክ መቅደስ እስክገባ፣ መጨረሻቸውንም እስካይ ድረስ ነበር።›

የሕይወት ተዛምዶ
እንደ ዳዊት ሁሉንም ነገር በራሳችን ሳይሆን ከእግዚአብሔር ጋር ባለን ህብረት ውስጥ እንረዳ፡፡

ፀሎት
ጌታ ሆይ፣ ህብረትን እንድመርጥ እና ዛሬ እየሆነ ያለውን ነገር ሁሉ እንድረዳ ያንተን መረዳት ስጠኝ፡፡