#JESUS2020 - ពេលវេលាប្រចាំថ្ងៃជាមួយព្រះជាម្ចាស់Sample

ប្រហែលនេះជាពេលល្ងាចមួយដ៏សំខាន់ក្នុងជីវិតទ្រង់។ ព្រះយេស៊ូរីករាយក្នុងការចំណាយពេលជាមួយសាវ័កទ្រង់ ដែលព្រះអង្គចាត់ទុកដូចជាមិត្តភក្តិ។  ទ្រង់នឹងចាកចេញទៅជាមួយពួកគេក្នុងពេលឆាប់ៗ។  ទ្រង់មានអារម្មណ៍សង្ស័យ នៅពេលជ្រាបដឹងអំពី អ្វីដែលនឹងកើតឡើងចំពោះទ្រង់នៅយប់នេះ និងថ្ងៃបន្ទាប់។ 

ទោះបីជាយ៉ាងណា សាវ័ករបស់ទ្រង់មិនបានយល់ពីព្រះបន្ទូលរបស់ទ្រង់ឡើយ។ យ៉ាងណាក៏ដោយពួកគេទទួលបានសន្តិភាពនេះយ៉ាងជ្រាលជ្រៅ ជាមួយការការពារដែលព្រះយេស៊ូផ្តល់ឲ្យនេះ។ បន្ទាប់ពីព្រះយេស៊ូបានអបអរពិធីបុណ្យចម្លងរួចហើយ ពួកគេក៏ចាកចេញទៅជាមួយគ្នា។ ពួកគេទៅសួនច្បារកេតសេម៉ានី។ អំឡុងពេលដែលទ្រង់អធិស្ឋានទូលទៅព្រះបិតា ព្រះយេស៊ូព្រួយព្រះហឬទ័យ នឹងការសុគតដើម្បីលាងអំពើបាបរបស់មនុស្សលោក។ ទ្រង់ប្រហែលជានឹកចាំដល់ព្រះបន្ទូលរបស់ព្រះបិតាទ្រង់ នៅពេលដែលទ្រង់ធ្វើពិធីជ្រមុជទឹក មាន​ឮ​ព្រះ‌សូរសៀង​ពី​លើ​មេឃ​មក​ថា៖ «ព្រះអង្គ​ជា​បុត្រ​ដ៏​ជា​ទី​ស្រឡាញ់​របស់​យើង យើង​គាប់​ចិត្ត​នឹង​ព្រះអង្គ​ណាស់» ឬទ្រង់អាចចាំពីពាក្យរបស់លោក​យ៉ូហានបាទីស្ដ​ “មើល​ហ្ន៎! លោក​នេះ​ហើយ​ជា​កូន​ចៀម​របស់​ព្រះ‌ជាម្ចាស់ ដែល​ដក​បាប​ចេញ​ពី​មនុស្ស​លោក”  ទ្រង់ព្រួយព្រះទ័យ ខ្លាចពែង​នៃ​ទុក្ខ​លំបាកនេះមិនកើតឡើង តែដោយសារព្រះបន្ទូលសន្យារបស់ព្រះបិតានិងជំនឿដ៏មុតមាំលើអំណាចនិងភាពយុត្តិធម៌ បានធ្វើឲ្យទ្រង់មានកម្លាំងនិយាយពាក្យទាំងនេះឡើង

«សូម​កុំ​ធ្វើ​តាម​បំណង​ទូលបង្គំ​ឡើយ គឺ​សូម​ឲ្យ​បាន​សម្រេច​តាម​ព្រះ‌ហឫទ័យ​របស់​ព្រះអង្គ​វិញ»។  តាមរយៈពាក្យនេះ មានន័យថាទ្រង់ប្រគល់ជីវិតទ្រង់ទាំងស្រុងទៅលើព្រះហស្តព្រះបិតា។ ទ្រង់ជឿ១០០% ថាព្រះជាព្រះល្អអស្ចារ្យ  ។ រូបរាងកាយនិងព្រលឹងវិញ្ញាណរបស់ទ្រង់ទទួលដឹងអារម្មណ៍នៃបន្ទុកនោះរួចហើយ។ 

ញើសទ្រង់ស្រក់ជាតំណក់ឈាម ទ្រង់ទទួលរងសម្ពាធ បន្ទុក ហើយនិងភាពភ័យខ្លាច។ ទោះបីជាយ៉ាងណា ទ្រង់នៅតែនៅជាប់ជាមួយក្តីស្រលាញ់របស់ព្រះបិតាយ៉ាងមុតមាំ។ ទ្រង់ធ្វើការសម្រេចចិត្តនេះ ដោយស្របតាមបំណងព្រះហឬទ័យទ្រង់ផ្ទាល់ សម្រេចចិត្តដោយក្តីស្រលាញ់សម្រាប់អ្នក។

ការអនុវត្ត 

សូមប្រគល់ភាពភ័យខ្លាច ការព្រួយបារម្ភ និង ភាពអសុវត្ថិភាពរបស់អ្នកទៅកាន់ព្រះជាម្ចាស់។ សូមសម្រេចចិត្តថានឹងទុកចិត្តលើព្រះជាម្ចាស់គ្រប់កិច្ចការទាំងអស់។ ទោះបីជាអ្នកមិនយល់ពីផែនការរបស់ទ្រង់ ហើយសូមបានប្រកាសនូវពាក្យនេះ “កុំតាមបំណងចិត្តខ្ញុំឡើយ តែសូមឲ្យបានសម្រេចតាមបំណងព្រះហឬទ័យរបស់ទ្រង់វិញ”

Daniel Kalupner, ICF Nürnberg