Nader tot GodSample

Lees: Psalm 19:13-14, Jakobus 1:19-27

SOAP: Jakobus 1:25

Die reënboog na die vloed. Die steunpilaar langs die Jordaan. Pasga na die uittog uit slawerny in Egipte. God het deurlopend vir Israel tekens gegee, sodat hulle Hom nie sou vergeet nie. God wil nie hê dat ons moet vergeet wie Hy is nie, wat Hy vir ons gedoen het, of wat Hy gesê het nie. Hy roep ons om daders van sy woord te wees, sodat ons lewens in ‘n ongelowige wêreld, as getuienis van sy getrouheid kan dien.  

Soms verg dit baie werk om te onthou. Dit is waarom Jakobus sy lesers aanmoedig om nie vergeetagtige luisteraars te wees nie. Ons is geneig om God se woord te ignoreer of te vergeet, selfs nadat ons dit bestudeer het. Terwyl ons ons na God se woord wend vir lering en bemoediging, laat ons ook die tekens van sy getrouheid onthou en sodoende ook ons eie gedenkpilare oprig. 

Here, help ons om nie net u woord te lees nie, maar om dit uit te voer. Herinner ons deur die loop van ons dag aan u woorde. Help ons om ander rondom ons lief te hê, omdat ons weet dat wie nie hulle broer en suster wat hulle gesien het, liefhet nie, nie vir God, wat hulle nie gesien het nie, kan liefhê nie. Amen.