JakobusSample

Lees: Jakobus 1:12-15

SOAP: Jakobus 1:12-15

Jakobus herinner ons dat die persoon wat die beproewing van versoeking verduur en weerstaan, ryklik deur God geseën is. Hy herinner ons dat versoeking nie van God af kom nie. Versoeking kom van ons eie begeertes en hartstogte, die wêreld en die manipulasie van Satan. Ongelukkig is versoeking 'n realiteit vir elke gelowige. Maar God belowe 'n manier om te vlug van elke versoeking wat 'n gelowige mag teëkom, sodat ons dit kan deurstaan.

Watter versoeking worstel jy vandag mee? Wanneer gelowiges versoekings in die gesig staar, moet ons na Jesus kyk, wat sondeloos gebly het, ten spyte daarvan dat Hy aan elke versoeking wat aan die mens bekend is, blootgestel is. Ons ontken onsself, hardloop na Hom toe en soek ywerig Sy weg van ontvlugting wat belowe en verseker is. God gee Sy volgelinge krag om ‘nee’ te sê wanneer ons ‘ja’ wil sê.

Vader God, ek het U elke oomblik van die dag nodig. Ek dank U vir U beskerming en U voorsiening gedurende daardie tye wanneer versoeking ondraaglik voel. Gee my die gewilligheid en die krag om te weerstaan en te verduur. Here, maak U weg van ontvlugting duidelik. Wanneer ek struikel en toegee aan versoeking, herinner my dat U genade groter is as my sonde. In Jesus se naam. Amen.