साँझमा येशूले धेरै बिरामी र पिडितहरू लाई निको पार्नुभएको

पत्रुसकी सासू निको भएको दिन, येशूले अरू धेरैलाई निको पार्नुभयो।बाइबलले यी निको पारिएका घटनाहरू साँझको समयमा भएको भनेर लेखेको छ। यो सानो विवरण जस्तो लागे पनि, नजिकबाट विचार गर्न लायक छ। सारा सृष्टिमा २४ घण्टाभित्र हुने विभिन्न प्रणाली र प्रक्रियाहरू हुन्छन्। शारीरिक, मानसिक र व्यवहारिक परिवर्तनहरू जुन एक दिनमा हुन्छन्, तिनीहरूलाई सामूहिक रूपमा‘सर्काडियन रिदम’भनिन्छ। यसलाई नियन्त्रण गर्ने प्रणालीलाई सामान्यतया‘जैविक घडी’ भनिन्छ। अन्धकार र प्रकाश सर्काडियन रिदमका दुई मुख्य प्रभावक हुन्, साथै तनाव, तापक्रम, पोषण र अन्य तत्वहरूले पनि यसलाई असर गर्छ। मुख्य कुरा के हो भने हरेक दिनको हरेक क्षण परमेश्वरको हातमा हुन्छ। धेरै मानिसहरूका लागि, घाम अस्ताएपछि उनीहरू थकान, एक्लोपन, बारम्बारको रोग र आत्मिक पिडाका कारण निराश, अनुत्पादक र कमजोर महसुस गर्छन्। वृद्धहरूका लागिउनको जीवनको अन्तिम चरणहरुमा, सेवानिवृत्ति, शरीरको कमजोरी, र मन्द बौद्धिक क्षमताकाकारण उनीहरूलाई उद्देश्यपूर्ण जीवन जिउन अझ गाह्रो हुन्छ। धेरै मानिसहरूलाई रातको डर, अनिद्रा वा राति ढिलोसम्मको कामका कारण रातमा निद्रा पर्न गाह्रो हुन्छ।यो खण्ड उनीहरूको लागि हो, जसले आफ्नो “साँझ”सँग संघर्ष गरिरहेका छन्। यो एक स्मरण हो कि दिन र रात दुबै समयमा येशू तपाईंको नजिकै हुनुहुन्छ। उहाँले तपाईंलाई वृद्धअवस्थामा एक्लै छोड्नुहुन्न, उहाँले तपाईंलाई वृद्धअवस्थासम्म साथ दिने आश्वासन दिनुहुन्छ। साँझको समयमा आत्मिक, शारीरिक वा मानसिक भारीपनसँग संघर्ष गर्नेहरूका लागि, तपाईंका उद्धारकर्ता तपाईंको साथमा बस्नुहुन्छ र तपाईंलाई यी सबै समयमा सम्हाल्नुहुन्छ भन्ने कुरामा ढुक्क हुनुहोस्।

येशू केवल बिरामी वा पिडितलाई भेटेर मात्र बस्नु भएन, उहाँले वचन र स्पर्शद्वारा तिनीहरूलाई निको पार्नुभयो! उहाँले तपाईंको लागि पनि त्यस्तै गर्न सक्नुहुन्छ। अब तपाईंलाई साँझसँग डराउनुपर्दैन, किनभने तपाईंलाई थाहा छ कि परमेश्वरले निरन्तर तपाईंलाई हेरिरहनुहुन्छ, र तपाईं कहिल्यै उहाँको हेरचाहबाहिर हुनुहुन्न।जसरी यशैया अगमवक्ताले भविष्यवाणी गरे, उहाँ आफैँले हाम्रा दुर्बलताहरू लिनुभयो र हाम्रा रोगहरू बोकिनुभयो, यसको अर्थ यो हो कि उहाँले भावनात्मक र आत्मिक रूपमा हामीलाई पीडा दिने समस्याहरू पनि आफैँमा लिनुभयो। तपाईंलाई निको पार्न र उहाँको मौलिक योजनामा पुनर्स्थापित गर्नको लागि तपाईंले रातदिन उहाँलाई पुकार्न सक्नुहुन्छ!