Өдөр 4: Бизнес бол бусдад үйлчлэх боломж юм

Тайлбар: Ажил хийлгэх нь Бурханы эцсийн зорилго байгаагүй, харин ажлаар дамжуулан бусдад үйлчлэх боломж юм. Ажил, бизнесээрээ дамжуулан бид гэр бүл, хамт олон, нийгэмд өөрийн хувь нэмрийг оруулж, үнэ цэнийг бүтээдэг. Есүс үйлчлэхийн тулд ирсэн бөгөөд бид ч Түүний жишээг дагах ёстой. Бизнес нь зөвхөн орлого олох хэрэгсэл байж болохгүй. Та өөрийн амин хувиа бодож, хүмүүсийг үл тоомсорлох юм бол таны амьдрал ч, ажил бизнес чинь ч урагштай явахгүй. Бидний ажил бизнесийн зорилго нь хүмүүст үйлчлэх, тэдний хэрэгцээг хангах, амьдралын чанарыг сайжруулж, үнэ цэн бүтээх явдал юм. Ажил бизнесээ амжилттай явуулахын тулд үйлчлүүлэгчдийн хэрэгцээг ойлгож, тэдэнд үйлчлэх сэтгэлтэй байх хэрэгтэй. Хэрэглэгч, үйлчлүүлэгчид чинь танд ямар үнэ цэнтэй хүмүүс вэ гэдгийг ойлгож ухаарсан цагт та тэдэнд улам илүү үйлчлэхийн төлөө хүсэн тэмүүлнэ. Та өөрийн хэрэглэгчдийг хүн гэдгээр нь анхаарч, хайрлаж, талархаж, тэдэнд үйлчлэхийн төлөө эрмэлзэх юм бол Бурхан таныг шагнах болно.

Хэрэгжүүлэх: Та бизнесээрээ дамжуулан бусдад хэрхэн үйлчилж байна вэ? Та хэрэглэгч, үйлчлүүлэгчдийнхээ хэрэгцээг хангаж, тэдний амьдралд үнэ цэн бүтээхийн төлөө юу хийж чадах вэ? Бизнесийн үр өгөөжийг зөвхөн санхүүгийн хувьд биш, харин хүмүүсийн амьдралыг сайжруулах талаас нь хараарай.

Залбирал: Эзэн Бурхан минь, ажил бизнесээ бусдад үйлчлэх боломж болгон ашиглахад туслаач. Миний бизнесийг Таны сайн сайхныг харуулж, Таны нэрийг алдаршуулах хэрэгсэл болгооч. Есүсийн нэр дээр залбирлаа, амен.

“Библи дэх бизнесийн нууц” номоос сэдэвлэсэн "Бизнесээ өсгөх нууц" Библи уншлагын хуваарийг Итгэл ба Ажил үйлчлэл тус номын орчуулагч Д.Мөнхжаргалтай хамтран хүргэлээ.

Та “Библи дэх бизнесийн нууц” номыг Солонго номын дэлгүүр болон орчуулагч Д.Мөнхжаргал 99291388 дугаараар холбогдон худалдан аваарай.

Итгэл ба Ажил үйлчлэл

Манлайлал, удирдлага, хувь хүний хөгжил болон итгэлийн амьдралаа өсгөн хөгжүүлэх контентуудыгhttps://www.unleashatwork.org/сайтаар орж үзээрэй.