Өдөр 1: Ажил хөдөлмөр бол шийтгэл биш, харин дуудлага юм

Тайлбар: Эхлэл номын 2-р бүлгийн 15-р эшлэлийн эхэнд Бурхан Адамыг Эден цэцэрлэгт оруулаад “Le-Ovdah” буюу еврей хэлээр “үүнийг ажиллуул” гэж хэлсэн нь санамсаргүй хэрэг биш юм. Эден цэцэрлэгт бүх зүйл бэлэн зэлэн, хоол олж идэхэд ямар ч төвөггүй, ажил хийх шаардлагагүй байсан. Адам Эден цэцэрлэгээс хөөгдөх хүртлээ өөрийгөө тэжээхийн тулд юу ч хийх шаардлагагүй байсан ч, Бурхан түүнийг цэцэрлэгт ажиллахыг тушаасан. Бурхан түүнээс цэцэрлэгийг үзэсгэлэнтэй харагдуулж, бүх зүйлийг цэгцэлж, сайхан байлгахыг хүссэн. Эндээс Бурхан хүнийг ажил хийлгэхээр бүтээсэн болохыг харж болно. Ажил бол шийтгэл биш, харин дуудлага юм. Энэ бол хүн төрөлхтөнд зориулсан Бурханы төлөвлөгөөний нэг хэсэг байв. Бурханбиднийг ажил хийж, бусад хүүхдүүдийнх нь эрэлт хэрэгцээг хангах замаар ажил хөдөлмөрийнхөө үр шимийг хүртэхийг хүсдэг.

Хэрэгжүүлэх: Та ажиллаж хөдөлмөрлөхийг арай ял шийтгэл гэж боддог юм биш биз?! Хэрэв тийм бол та энэ ойлголтоо залруулж, Бурханы өмнө гэмшээрэй. Та хийж буй ажил, эрхэлж буй бизнесээ Бурханд даатган, талархан залбираарай. Та хэрхэн бусдын хэрэгцээг илүү сайнаар хангаж, яаж илүү олон хүнд тусалж чадах вэ гэж бодож үзээрэй. Олон хүний хэрэгцээг хангах тусам таны бизнес олон хүнд хүрч, улмаар өсөн тэлэх боломжтой.

Залбирал: Бурхан минь, ажил хөдөлмөрийн талаар буруу ойлголтой байсандаа гэмшиж байна. Та надад бусдын хэрэгцээг ойлгож, хуваалцаж, тэдэнд илүү сайнаар үйлчлэх хүч чадал өгч, өөрийн бизнесийг Таны хүсэлд нийцүүлэн удирдахад туслаач. Есүсийн нэр дээр залбирлаа, амен.