Рик Воррений өдөр бүрийн чимээгүй цагЗагвар

Өөрчлөлтийг хийхийн тулд Бурхан таныг бүтээсэн

Таны төсөөлж чадахаас ч хамаагүй давсан үйлчлэлд Бурхан таныг дууддаг. Энэ дэлхий дээр та өөрийн гэсэн хувь нэмрээ оруулахын тулд бүтээгдсэн.

Идэх, амьсгалах, зай бөглөх - зэргээр эх сурвалжуудыг хэрэглэхийн тулд л та бүтээгдээгүй. Амьдралаараа өөрчлөлтийг авч ирэхийн тулд Бурхан таныг бүтээжээ.

Библи дээр, "Учир нь бид сайн үйлсийн төлөө Христ Есүс дотор бүтээгдсэн Түүний бүтээл мөн. Биднийг эдгээрийн дотор яваасай гэж Бурхан урьдаас бэлтгэсэн билээ." гэж хэлдэг. Эдгээр "сайн үйлс" бол таны энэ дэлхийд хийх үйлчлэл тань юм. Ямар нэгэн арга замаар та бусдад үйлчлэх үед үнэндээ Бурханд үйлчилж байгаа хэрэг юм.

Ихэнх хүмүүс энэ "тусгай ажлын" талаар бодох үедээ тэд пасторууд, санваартан, лам хуврагын талаар л боддог боловч Түүний гэр бүлийн гишүүн бүр үйлчлэлд зориулагдсан гэж Бурхан хэлдэг. Библи дээр үйлчлэгч, элчин сайд гэдэг үгс нь үйлчлэл, үйлчилгээтэй утга адилтай үгс аж. Хэрэв та христитгэлтэн хүн мөн бол та бол элчин сайд бөгөөд үйлчилж байх үедээ та бусдыг хөтлөн дагуулж байдаг аж.

Түүний нигүүлслийг хүлээн авах тэр л хоромд Бурхан яагаад биднийг тэр даруйд тэнгэрулс руу авч явдаггүй юм бол гэж та бодож байсан уу? Таныг аврагдсаны дараа Өөрийнхөө зорилгыг биелүүлэхэд Бурхан таныг ашиглахыг зорьдог. Өөрийнхөө чуулганд танд бэлтгэсэн Бурханы үйлчлэл бий бас энэ дэлхий дээр хийх үйлчлэл ч бий.

Түүнд үйлчлэх Бурханы дуудлагыг хүлээн авахаас таныг хойш нь татаж буй ямар нэгэн зүйл байна уу?