Рик Воррений өдөр бүрийн чимээгүй цагЗагвар

Үйлчлэх нь амьдралыг тань тодорхойлдог байх ёстой

Үйлчлэх нь цаг гаргах боломжтой үедээ хувиартаа нэмдэг зүйл биш. Энэ бол христитгэлт амьдралын гол цохилох зүрх нь юм. Есүс "үйлчлэхээр" бас "өгөхөөр" ирсэн - энэ хоёр үг ч бас энэ дэлхий дээрх амьдралыг тань тодорхойлдог байх ёстой.

Сүнслэг байдлын төлөвшил бол ганцаараа хүрэх зорилго биш болохыг Есүс заажээ. Төлөвшил нь үйлчлэлийн тулд аж! Улам илүүд суралцсаар байх нь хангалттай байдаггүй. Бид мэддэг зүйлийнхээ дагуу үйлдэн, итгэдэг гэж тунхаглах зүйлсээ ахин дахин хийсээр байх ёстой.

Гэсэн хэдий ч үйлчлэх бол төрөлхийн дур хүслээс маань эсрэг байдаг зүйл. Ихэндээ бид үйлчлэхээс илүү "бидэнд үйлчлэхэд" илүү сонирхолтой байдаг. Бид, "Үйлчлэх бас ивээл болох газрыг би хайж байна." биш "Хэрэгцээтэй маань нийцэж, намайг ивээдэг тийм чуулганыг би хайж байна" гэж хэлдэг.

Гэвч Христ дотор төлөвшиж эхлэх үедээ амьдралдаа төвлөрүүлэх анхаарал маань үйлчилсэн амьдралаар амьдрах руу улам ихээр шилжих ёстой. Төлөвшсөн Христийн дагалдагч хүн, "Хэн хэрэгцээг маань хангах вэ?" гэж асуухаа больж, "Хэний хэрэгцээг би хангаж чадах вэ?" гэж асууж эхэлдэг