Рик Воррений өдөр бүрийн чимээгүй цагЗагвар

Зай барих үеүд

Нөхөрлөл тусгаарлалт ба дуу хураалтаар шалгагдах нь элбэг байдаг; бие махбодын хувьд тусгаарлагдах эсвэл ярих боломжгүй байх. Бурхантай харилцах харилцаанд та дандаа Түүнтэй ойр мэт мэдрээд байдаггүй.

Филип Яансей ухаалгаар ингэж хэлжээ, "Ямар ч харилцаанд ойр байх үе бас зай барих үе гэж байдаг ба Бурхантай харилцах харилцаа хэр дотно байхаас үл хамааран дүүжин нэг талаас нөгөө тал руу дүүжигнэх болно." (Үл үзэгдэх Бурханд хүрэх нь; Зондерван)

Нөхөрлөлөө бэхжүүлэхийн тулд Тэр таныг мартсан эсвэл орхисон мэт санагдахуйцаар сорих үе гэж байдаг. Загалмайн Гэгээн Иохан эдгээр өдрүүдийг сүнслэг байдлын хувьд хуурай, эргэлзээ ба "сүнсний хувьд харанхуй шөнө" мэт Бурханаас тусгаарлагдсан байдал гэж дурджээ.

Давид магадгүй хэнээс ч илүүтэйгээр Бурхантай ойр нэгэн байсан боловуу. "Зүрх сэтгэлийн минь дагуух хүн" гэж Бурхан түүнийг дуудах дуртай байв. (1 Самуел 13:14)

Гэсэн хэдий ч Давид Бурханы оршихуй үгүй байгаа талаар олонтаа гомдоллодог:

"ЭЗЭН, Та яагаад тэртээ хол зогсном бэ? Бэрх цагт Та яагаад нуугднам бэ?" (Дуулал 10:1)

"Бурхан минь, Бурхан минь, Юунд Та намайг орхисон бэ? Миний ёолох дуу, авралаас минь Юунд Та хол байна вэ?" (Дуулал 22:1)

"Хүч чадлын минь Бурхан Та билээ. Юунд Та намайг орхисон бэ? Юунд би дайсны дарангуйллаас болж Гашуудан явна вэ?" (Дуулал 43:2)

Мэдээж Бурхан Давидыг орхиогүй ба Тэр таныг орхидоггүй.