Рик Воррений өдөр бүрийн чимээгүй цагЗагвар

Бурхан таныг чадвартай нэгэн гэж хэлдэг

Бусад хүмүүст үйлчлэх үйлчлэлийн бэлэг танд өгөгдсөн гэж Бурхан хэлдэг. Христитгэлт хүн бүр үйлчлэгч мөн. Энэ нь христитгэлт хүн бүр пастор гэсэн үг биш харин бид бүгдээрээ үйлчлэгчид гэсэн үг аж. Бусдад туслахаар билэг авъяасаа ашиглах бүртээ та үйлчлэлийг хийж байдаг.

Дээрх Библийн эшлэл, "Тэр биднийг ажил үйлсээр маань бус, харин Өөрийнхөө зорилго болон өнө мөнхөөс Христ Есүс дотор бидэнд соёрхсон нигүүлслийн дагуу аварч ариун дуудлагаар дуудсан юм." гэснийг анзаарна уу. Та бол үйлчлэхээр аврагдсан хүн.

Та магадгүй, "Үйлчлэл маань юу болохыг би хэрхэн мэдэх вэ?" гэж бодож байгаа байх. Билэг авъяас, чадвар чадамжаа харагтун. Бурхан таныг хэрхэн хэлбэржүүлснийг харагтун. Бусад хүмүүст туслахын тулд тэдгээр билэг авъяасаа ашиглаасай гэж Бурхан таниас хүсдэг. Үүнийг та хийх бүрт үүнийг л үйлчлэл гэж нэрлээд байгаа юм: энэ нь тийм ч тансаг, айдас төрүүлэм эсвэл ер бусын зүйл биш. Энэ нь зүгээр л бусдад туслах аж.

Худалдааны оффист та үйлчлэл хийж болох уу? Мэдээж болно. Та нягтлан атлаа үйлчлэл хийж болох уу? Мэдээж болно. Том машин барьж байхдаа та үйлчлэл хийж болох уу? Мэдээж! Есүсийн Нэрээр бусдад үйлчлэх бүртээ та үйлчлэлийг хийж байдаг.

Үнэндээ, та бол чуулганд гарцаагүй хэрэгтэй нэг хэсэг нь гэж Бурхан хэлдэг. Та энэ гэр бүлийн зайлшгүй шаардлагатай нэг хэсэг нь мөн. Хэрэв би билэг авъяасаа ашиглахгүй юм бол - би таныг хуурч байгаа хэрэг гэдэг үүднээс хараад үз. Хэрэв та билэг авъяасаа ашиглахгүй юм бол - та намайг хуурч байгаа хэрэг болдог. Эргэн тойрны маань бүх хүмүүс хууртагддаг.