Рик Воррений өдөр бүрийн чимээгүй цагЗагвар

Хамтран ажиллах цаг

Бид бүгдээрээ л Иовын түүхийг мэддэг. Хоёр өдрийн дотор тэр бүхий л эд хөрөнгөө алддаг. Түүний үхэр, хонин сүрэг гээд бүгдийг нь дайсагнасан үндэстэн түүнээс хулгайлан авсан. Мөн түүний бүх зарц нар ч бас алагджээ. Хүүхдүүд нь бүгд алагдсан - ба тэр эдгэшгүй, хүнд өвчнөөр өвчилдөг.

Бурханд эргэлзэх бүхий л шалтгаан түүнд байсан. Тэр бүхий л зүйлээ алдсан. Гэвч Иовын хариу үйлдэл ийм байв: "Хар, Тэр намайг алах гэж байна. Надад найдвар алга. Гэсэн ч Түүний өмнө би Өөрийн замуудаа өмгөөлөх л болно." (Иов 13:15)

Танд бууж өгмөөр мэт санагдаж байгаа учраас Бурханд найдахаа болихыг хүсэж буй зүйл амьдралд тань юу байна вэ? Иов өөртөө байсан бүхнээ алдсан ба тэр, "Юу ч болсон хамаагүй, би бууж өгөхгүй. Би үргэлжлүүлэн найдсаар байх болно." гэж хэлжээ. Нөхцөл байдал ямар ч найдваргүй мэт харагдах үед, хүлээх цаг байх үед ч хүртэл найдсаар бай.

Бурханы удаашрал нь Бурхан татгалзаж байгаа гэсэн үг биш. "Үгүй" ба "Хараахан одоо биш" хоёрын хооронд асар том ялгаа байдаг гэдгийг бид сурах ёстой. Удаашрал таны амьдрал дахь Бурханы зорилгыг хэзээ ч устган үгүй хийдэггүй. Ингэж харагдах хэдий ч Бурхан хэзээ ч хоцордоггүй. Бидэнд Иовын хандлага л байх хэрэгтэй. Юу ч болсон хамаагүй, би зуурсаар байх болно, хүлээлт найдвартайгаар залбирсаар байх болно.