Рик Воррений өдөр бүрийн чимээгүй цагЗагвар

Өөрийнхөө алдрын төлөө Бурхан залбиралд хариулдаг

Өөрийнхөө алдрын төлөө Бурхан бидний залбиралд хариулдаг.

Үүний гайхалтай жишээ Паулын амьдралаас харагдах боломжтой гэж би боддог. Ром номонд, Паул захидлаа энэ залбирлаар эхэлдэг: "Юуны өмнө та бүгдийн улмаас би Есүс Христээр дамжуулан Бурхандаа талархаж байна. Яагаад гэвэл та нарын итгэл дэлхий даяар тунхаглагдаж байна. Бурханы тааллаар одоо л нэг та нар дээр очих завшаан олдоосой гэж би залбирлаараа ямагт гуйдаг. Тиймд миний хувьд Ром дахь та нарт ч сайнмэдээ хүргэхээр тэсэн ядаж байна." (Ром 1:8-15)

Ромд сургаал заах нь Паулын мөрөөдөл байв. Үүнийг хуваалцсаныхаа дараа тэр, "Бурханы тааллаар одоо л нэг та нар дээр очих завшаан олдоосой гэж би залбирлаараа ямагт гуйдаг." (Ром 1:10) гэж бичдэг. Бурхан Паулын залбиралд хариулсан уу? Тийм, гэхдээ Паулын хүсэн хүлээж байсанчлан хариулаагүй.

Паул баривчлагдан, Ромын шүүхийн системээр дамжин, эцэстээ Ромын шоронд хоригддог. Энэ яг түүний төлөвлөсөнчлөн байгаагүй.

Гэсэн ч Паул Ром руу явахыг хүссэн. Тэр Бурханы арга замаар Бурханд ажлаа хийх боломжийг олгоход бэлэн байв. Ийм арга замаар Бурхан залбиралд нь хариулна гэж Паул магадгүй хэзээ ч төсөөлөөгүй байсан боловуу.

Паул Ромд юу хийсэн бэ? Газрын дундад тэнгис даяарх өөр өөр христитгэлтнүүдэд хандаж олон захидлуудыг тэр бичжээ. Өөрийнхөө арга замаар, Өөрийнхөө зорилгын дагуу түүний залбиралд хариулах боломжийг Паул Бурханд олгосон учраас бидэнд Шинэ Гэрээ өгөгдсөн.