Рик Воррений өдөр бүрийн чимээгүй цагЗагвар

Бясалгах цаг хугацаа

Бурханыг хүлээх үе бол ганцаараа чимээгүй сууж, Бурханы талаар бодон, залбирч, Библиэ уншиж бас сонсоход тохиромжтой цаг үе мөн. Энэ үеийг бясалгахуйд ашиглагтун.

Жишээ нь Хуучин Гэрээн дэх эш үзүүлэгч Хабаккукыг харцгаая. Хабаккук бол урам хугарсан, хүлээсээр залхсан нэгэн байв. Тиймээс тэр Бурханд хандан, "ЭЗЭН, би хэдий болтол тусламж хүсэн дуудаж, Та хэдий болтол сонсохгүй байх юм бэ?" (Хабаккук 1:2 АБ2013) гэж гомдолложээ. "Ямар учраас Та надад ёс бусыг харуулж, Юунд бузар мууг үзүүлнэ вэ? Өөрсдөөс нь илүү зөвтийг Буруутууд залгиж байхад Юунд Та анир чимээгүй байна вэ?" (Хабаккук 1:3, 13 АБ2013) гэж тэр цааш үргэлжлүүлсэн

Хэрэг явдлаа Хабаккук Эзэнд мэдүүлснийхээ дараа хариултыг нь бясалгал хийн хүлээв. "Би манааныхаа байранд зогсож, Бэхлэлт дээр байрлан суух болно. Тэрээр надад юу айлдахыг Миний гомдлолд Тэр хэрхэн хариулахыг Би харуулдан харсаар л байх болно." (Хабаккук 2:1)

"Тэгтэл ЭЗЭН надад хариу айлдруун “Үзэгдлийг бичээд, хавтангууд дээр сийл. Уншсан нэг нь ухасхийг. Үзэгдэл нь тогтоогдсон цагийн төлөө юм. Төгсгөл уруугаа энэ нь яарах агаад эс хөсөрдөнө. Хоцорч байгаа боловч үүнийг хүлээгтүн. Хойшлолгүй заавал биелэгдэх болно." (Хабаккук 2:2-3)

Бурхан хэзээ ч хоцордоггүй. Тэр, "Би яг зөв цагт ирэх болно. Хабаккук, чи ганцаар чимээгүй байж, хариултыг хүлээх байдлаар зөв зүйлийг үйлдсэн." гэж хэлжээ.

Өөрийг нь таньж мэдээсэй гэж Бурхан таниас хүсдэг. Гүн харилцаанууд, асар том партины дуу чимээнд биш харин чимээгүй цагт --ганцаараа өнгөрүүлэх чимээгүй байдалд босголт бий болдог. Тэгэхээр зүгээр л чимээгүй байн Бурханыг хүлээ, тэгснээрээ та Түүнийг улам илүү таньж мэдэх болно.