គម្រោងអានព្រះគម្ពីរពេញមួយឆ្នាំ

 និង​ប្រព័ន្ធ​​ គំរោង រ៉ូប៊ើតនឹង​ជា​មគ្គុទេស​នាំ​អ្នកក្នុង​ការ​បញ្ចប់​នៃ​ការ​អាន​សម្ព័ន្ធ​មេត្រី​ចាស់ ហើយ​នឹង​បញ្ចប់​ការ​អាន​សម្ព័ន្ធ​មេត្រី​ថ្មី។  កម្រិត​នៃ​ការ​អាន​គឺ​មាន​បួន​ជំពូក ទាំងអត្ថបទ​​សម្ព័ន្ធ​មេត្រី​ចាស់ និង​សម្ព័ន្ធ​មេត្រី​ថ្មី​ជា​រៀង​រាល់​ថ្ងៃ

រ៉ូប៊ើត រ៉ូប៊ើតស៍

គម្រោងអានព្រះគម្ពីរដោយព័ន្ធកិច្ច Blue Letter Bible ដោយយោងលើក្រមឯកសារកណ្ឌគម្ពីរដំបូង នឹងនាំអ្នកឱ្យឆ្លងកាត់កណ្ឌព្រះគម្ពីរ តាំងពីកណ្ឌគម្ពីរ លោកុប្បត្តិ រហូតដល់ វិវរណៈ។ អ្នកនឹងទទួលបានការផ្ដល់នូវអត្ថបទអានសម្រាប់ថ្ងៃនីមួយៗក្នុងមួយសប្ដាហ៍ៗ តាមលំនាំអានយ៉ាងនឹងន ដើម្បីឆ្ពោះទៅរកការបញ្ចប់ការអានព្រះគម្ពីរទាំងមូលពេញមួយឆ្នាំ។

កណ្ឌគម្ពីរទាំងមូល

ដំណើររឿងព្រះគម្ពីរតាមសំបុត្រពណ៌ខៀវ (The Blue Letter Bible) គឺជាគម្រោងអាន "តាមលំដាប់ដំណើររឿងគម្ពីរ" ដែលបានប្រមូលផ្ដុំចងក្រង ដោយមានភ័ស្តុតាងយោងលើការស្រាវជ្រាវរកឃើញក្នុងប្រវត្ដិសាស្រ្ដ នាពេលថ្មីៗនេះ។ វាគឺដំណើរព្រឹត្ដិការណ៍នៃរឿងផ្សេងៗ ដែលបានកត់ត្រាទុក តាមលំដាប់លំដោយនៃរឿងនីមួយៗ ដែលបានកើតមានឡើងនៅក្នុងព្រះគម្ពីរ។ គម្រោងអាននេះ ពិតជាប្លែកអស្ចារ្យ សម្រាប់ការតាមដានសាច់រឿង ប្រសិនបើអ្នកប្រាថ្នាចង់បន្ថែម ការគិតទៅលើបរិបទនៃប្រវត្ដិសាស្រ្ដ នៅក្នុងការអានព្រះគម្ពីររបស់អ្នក។ ប្រសិនបើ អ្នកអានតាមដំណើររឿង (ក្នុងកណ្ឌគម្ពីរ) មានដាក់ឱ្យ នៅក្នុងកាលវិភាគ នោះអ្នកនឹងអាចអានព្រះគម្ពីរទាំងមូលចប់ នៅក្នុងរយៈពេល ១ ឆ្នាំ តាមដំណើរនៃប្រតិទិន។

តាមលំដាប់ដំណើររឿងគម្ពីរ

ត្រៀមខ្លួនដើម្បីចម្រើនទំនាក់ទំនងរបស់អ្នកជាមួយនឹងព្រះ នៅក្នុងកម្រិតមួយថ្មី 
ហើយឬនៅ? គម្រោងអាននេះនឹងនាំដំណើរអ្នកឱ្យអានពីអត្ថបទ ដែលដកស្រង់ពីព្រះគម្ពីរទាំងមូល ដោយរួមមានទាំងកណ្ឌគម្ពីរសញ្ញាចាស់ ហើយនិងសញ្ញាថ្មី ជាប្រចាំថ្ងៃ។ អ្នកនឹងអានពីដំណើររឿងតាមលំដាប់លំដោយ ដែលមានចែងនៅក្នុងកណ្ឌគម្ពីរសញ្ញាថ្មី បូករួមទាំងជំពូកពីកណ្ឌគម្ពីរសញ្ញាចាស់ ស្របពេលនឹងគ្នា ដើម្បីបង្ហាញថាព្រះគម្ពីរគឺជារឿងតែមួយ ដែលចង្អុលសំដៅទៅកាន់អង្គព្រះយេស៊ូ(វ)។ នៅរាល់ថ្ងៃទី ៧ មាននូវការឈប់បង្អង់សិន ដើម្បីឱ្យអ្នកអាចសញ្ជឹងគិត និងចែករំលែកលើរាល់អ្វីៗដែលអ្នកកំពុងតែរៀនបានផងដែរ។

គម្រោងអានប្រឡងប្រជែងក្នុងរយៈពេល ៤៩ សប្ដាហ៍

នេះជាគម្រោងអានបែបមគ្គុទេសណែនាំយ៉ាងងាយៗ សម្រាប់ការអានព្រះគម្ពីរ មួយកណ្ឌម្ដងៗ។ ដោយដកស្រង់ពី កំណត់ត្រានៃកម្មសិក្សាបង្កើតសិស្ស គម្រោងអាននេះជួយផ្ដល់នូវអ្វីដែលអ្នកត្រូវអានក្នុងព្រះគម្ពីរក្នុងរយៈពេលមួយឆ្នាំ។

គម្រោងអានព្រះគម្ពីរមួយកណ្ឌម្ដងៗតាមកម្មសិក្សាបង្កើតសិស្ស

តើអ្នកធ្លាប់ឆ្ងល់ថាការអានគម្ពីរសញ្ញាចាស់តាមប្រវត្តិសាស្រ្តរបស់ជាតិសាសន៍អ៊ីស្រាអែល នោះមានលក្ខណៈបែបណាដែរឬទេ? ឬថាអានតាមគម្ពីរសញ្ញាថ្មី ដោយយោងលើដំណើរប្រវត្តិសាស្រ្ត នៅពេលកណ្ឌគម្ពីរនីមួយៗនោះ បានកត់ត្រាឡើង នោះមានអារម្មណ៍យ៉ាងណា? នៅក្នុងគម្រោងអាននេះ មានអត្ថបទអានតាមលំដាប់ដំណើររឿងក្នុងគម្ពីរសញ្ញាចាស់ ដែលមានលក្ខណៈស្រដៀងគ្នាទៅនឹងព្រះគម្ពីរហេព្រើររបស់ជាតិសាសន៍អ៊ីស្រាអែល ដែលក្នុងនេះ មានដំណើរតាមកណ្ឌគម្ពីរវិន័យ រហូតដល់កណ្ឌគម្ពីររបស់ពួកហោរា (ព្យាការី) និងរហូតដល់អត្ថបទកត់ត្រាដទៃផ្សេងទៀត។ លំដាប់តាក់តែងនៃកណ្ឌគម្ពីរសញ្ញាថ្មីមានមូលដ្ឋានយោងលើការសិក្សាស្រាវជ្រាវ ទោះបើមិនប្រាកដជាក់មួយរយភាគរយក្ដី ប៉ុន្តែវាអាចជួយផ្ដល់ជាគំហើញគំនិតប្រកបដោយអត្ថប្រយោជន៍ ទៅកាន់ការអានព្រះគម្ពីររបស់អ្នក។

តាមប្រវត្តិសាស្រ្ត

បង្កើតឡើងដោយ លោកបណ្ឌិត ចច គូស្រ៊ី (Dr. George Guthrie) គម្រោងអាននេះបានយករាល់អត្ថបទនិងរឿងរ៉ាវព្រះគម្ពីរមក រួចហើយបានតម្រៀបជារំហូរសាច់រឿងតាមលំដាប់លំដោយ។ ដោយហេតុថាអត្ថបទរឿងខ្លះពុំមានការបញ្ជាក់ច្បាស់លាស់ពីពេលវេលា ឬថាព្រឹត្តិការណ៍ទាំងនោះ ពុំអាចវាស់ឱ្យជាក់បានពីពេលវេលា នោះដំណើររឿងតាមលំដាប់លំដោយនេះ គ្រាន់តែជាការប្រឹងព្យាយាមតាក់តែងមួយ ដើម្បីជួយឱ្យអ្នកអានអាចដឹងពីរំហូរ និងដំណើរវិវត្តនៃរឿងដ៏ធំធេងរបស់ព្រះគម្ពីរ។ អត្ថបទគម្ពីរខ្លះត្រូវបានដាក់ទៅតាមប្រធានបទ (ដូចជាឧទាហរណ៍ យ៉ូហាន ១៖១-៣ នៅក្នុងសប្ដាហ៍ទីមួយ ថ្ងៃទី ២ ហើយនិងទំនុកតម្កើងជាច្រើនផ្សេងទៀត)។ ក្នុងគម្រោងអានមានតែអត្ថបទអានចំនួន ៦ ជារៀងរាល់សប្ដាហ៍ប៉ុណ្ណោះ ដើម្បីជួយឱ្យអ្នកអាចអានតាមទាន់ ប្រសិនបើអ្នកត្រូវការ។