អែសរ៉ា 2:1-70
អែសរ៉ា 2:1-70 ព្រះគម្ពីរបរិសុទ្ធកែសម្រួល ២០១៦ (គកស១៦)
នេះជាចំនួនប្រជាជនរបស់ខេត្តនោះ ដែលចេញពីសណ្ឋានជាឈ្លើយ ក្នុងចំណោមអស់អ្នកដែលព្រះបាទនេប៊ូក្នេសា ជាស្តេចបាប៊ីឡូន បាននាំជាឈ្លើយទៅស្រុកបាប៊ីឡូន។ ពួកគេបានវិលត្រឡប់មកក្រុងយេរូសាឡិម និងស្រុកយូដាវិញ មកកាន់ទីក្រុងរបស់គេរៀងៗខ្លួន។ អ្នកទាំងនោះបានវិលត្រឡប់មកវិញ ជាមួយសូរ៉ូបាបិល យេសួរ នេហេមា សេរ៉ាយ៉ា រេអេឡាយ៉ា ម៉ាដេកាយ ប៊ីលសាន មីសផា ប៊ីកវ៉ាយ រេហ៊ូម និងប្អាណា។ ចំនួនប្រជាជនអ៊ីស្រាអែលមានដូចតទៅៈ កូនចៅប៉ារ៉ូសមាន ២ ១៧២ នាក់ កូនចៅសេផាធាមាន ៣៧២ នាក់ កូនចៅអើរ៉ាសមាន ៧៧៥ នាក់ កូនចៅផាហាត-ម៉ូអាប់ ពោលគឺ កូនចៅយេសួរ និងយ៉ូអាប់មាន ២ ៨១២ នាក់ កូនចៅអេឡាំមាន ១ ២៥៤ នាក់ កូនចៅសាធូរមាន ៩៤៥ នាក់ កូនចៅសាកាយមាន ៧៦០ នាក់ កូនចៅបានីមាន ៦៤២ នាក់ កូនចៅបេបាយមាន ៦២៣ នាក់ កូនចៅអាសកាឌមាន ១ ២២២ នាក់ កូនចៅអ័ដូនីកាមមាន ៦៦៦ នាក់ កូនចៅប៊ីកវ៉ាយមាន ២ ០៥៦ នាក់ កូនចៅអេឌីនមាន ៤៥៤ នាក់ កូនចៅអេធើ ខាងហេសេគាមាន ៩៨ នាក់ កូនចៅបេសាយមាន ៣២៣ នាក់ កូនចៅយ៉ូរ៉ាមាន ១១២ នាក់ កូនចៅហាស៊ូមមាន ២២៣ នាក់ កូនចៅគីបារមាន ៩៥ នាក់ កូនចៅអ្នកក្រុងបេថ្លេហិមមាន ១២៣ នាក់ កូនចៅអ្នកក្រុងនថូផាមាន ៥៦ នាក់ កូនចៅអ្នកក្រុងអាណាថោតមាន ១២៨ នាក់ កូនចៅអាសម៉ាវែតមាន ៤២ នាក់ កូនចៅគារយ៉ាត់-អើរីម កេភីរ៉ា និងប្អៀរ៉ុត មាន ៧៤៣ នាក់ កូនចៅរ៉ាម៉ា និងកេបា មាន ៦២១ នាក់ អ្នកក្រុងមីកម៉ាសមាន ១២២ នាក់ អ្នកក្រុងបេត-អែល និងអៃយ មាន ២២៣ នាក់ កូនចៅនេបូរមាន ៥២ នាក់ កូនចៅម៉ាកប៊ីសមាន ១៥៦ នាក់ កូនចៅអ្នកក្រុងអេឡាំម្នាក់ទៀតមាន ១ ២៥៤ នាក់ កូនចៅហារីមមាន ៣២០ នាក់ កូនចៅឡូឌ ហាឌីឌ និងអូណូរ មាន ៧២៥ នាក់ កូនចៅអ្នកក្រុងយេរីខូរមាន ៣៤៥ នាក់ កូនចៅសេណាអាមាន ៣ ៦៣០ នាក់។ ឯពួកសង្ឃ គឺកូនចៅយេដាយ៉ា ពូជពង្សរបស់យេសួរមាន ៩៧៣ នាក់។ កូនចៅអ៊ីមមើរមាន ១ ០៥២ នាក់ កូនចៅផាសហ៊ើរមាន ១ ២៤៧ នាក់ កូនចៅហារីមមាន ១ ០១៧ នាក់។ ចំណែកឯពួកលេវី ជាកូនចៅយេសួរ និងកាឌមាល កូនចៅហូដាវា មាន ៧៤ នាក់ ពួកចម្រៀង ជាកូនចៅអេសាភ មាន ១២៨ នាក់ កូនចៅរបស់ពួកអ្នកឆ្មាំទ្វារមាន កូនចៅសាលូម កូនចៅអេធើ កូនចៅថាលម៉ូន កូនចៅអ័កគូប កូនចៅហាធីថា និងកូនចៅសូបាយ រួមទាំងអស់មាន ១៣៩ នាក់។ ពួកអ្នកបម្រើព្រះវិហារ មានកូនចៅស៊ីហា កូនចៅហាស៊ូផា កូនចៅថាបាអូត កូនចៅកេរ៉ូស កូនចៅស៊ីយ៉ាហា កូនចៅផាដូន កូនចៅលេបាណា កូនចៅហាកាបា កូនចៅអ័កគូប កូនចៅហាកាប កូនចៅសាលម៉ាយ កូនចៅហាណាន កូនចៅគីដេល កូនចៅកាហារ កូនចៅរីអាយ៉ា កូនចៅរេស៊ីន កូនចៅនេកូដា កូនចៅកាសាម កូនចៅអ៊ូសា កូនចៅផាសេហា កូនចៅបេសាយ កូនចៅអាសណា កូនចៅមេហ៊ូនីម កូនចៅនេភូស៊ីម កូនចៅបាកប៊ូក កូនចៅហាគូផា កូនចៅហាហ៊ើរ កូនចៅបាសលូត កូនចៅមេហ៊ីដា កូនចៅហាសា កូនចៅបាកូស កូនចៅស៊ីសេរ៉ា កូនចៅថាម៉ា កូនចៅនេស៊ីយ៉ា និងកូនចៅហាធីផា។ រីឯកូនចៅពួកអ្នកបម្រើរបស់ព្រះបាទសាឡូម៉ូនមានៈ កូនចៅសូថាយ កូនចៅសូផេរេត កូនចៅពេរូដា កូនចៅយ្អាឡា កូនចៅដាកុន កូនចៅគីដេល កូនចៅសេផាធា កូនចៅហាធីល កូនចៅផូកេរេត ពីសេបែម និងកូនចៅអាំម៉ូន។ សរុបពួកអ្នកបម្រើព្រះវិហារ និងកូនចៅរបស់អ្នកបម្រើរបស់ព្រះបាទសាឡូម៉ូន ទាំងអស់មាន ៣៩២ នាក់។ ឯអស់អ្នកដែលមកពីក្រុងធេល-មែឡា ក្រុងធេល-ហារេសា ក្រុងកេរូប ក្រុងអ័ដាន និងក្រុងអ៊ីមមើរ គេពុំអាចប្រាប់ពីវង្សានុវង្សរបស់ឪពុក ឬពីដូនតារបស់ខ្លួន ឲ្យដឹងថាជាពូជអ៊ីស្រាអែល ឬមិនមែនបានទេ អ្នកទាំងនោះមានៈ កូនចៅដេឡាយ៉ា កូនចៅថូប៊ីយ៉ា និងកូនចៅនេកូដា រួមទាំងអស់មាន ៦៥២ នាក់។ ចំណែកកូនចៅពួកសង្ឃមាន កូនចៅហាបាយ៉ា កូនចៅហាកូស កូនចៅបារស៊ីឡាយ (ដែលយកកូនស្រីរបស់បារស៊ីឡាយ ជាអ្នកស្រុកកាឡាតធ្វើជាប្រពន្ធ ហើយក៏ត្រូវហៅតាមឈ្មោះគេ)។ អ្នកទាំងនេះបានស្វែងរកបញ្ជីជាតិរបស់ខ្លួន ក្នុងចំណោមអស់អ្នកដែលបានរាប់តាមពង្សាវតារ តែរកពុំឃើញ ដូច្នេះ គេចាត់ទុកអ្នកទាំងនោះថាមានសៅហ្មង ហើយត្រូវដកចេញពីការងារជាសង្ឃ។ លោកទេសាភិបាលហាមពួកគេថា មិនត្រូវបរិភោគពីរបស់បរិសុទ្ធបំផុតឡើយ រហូតទាល់តែមានសង្ឃម្នាក់សុំការបង្ហាញពីយូរីម និងធូមីម។ ក្រុមជំនុំទាំងមូលមានចំនួន ៤២ ៣៦០ នាក់ មិនរាប់អ្នកបម្រើប្រុសស្រីរបស់គេដែលមាន ៧ ៣៣៧ នាក់ទៀតទេ ហើយក្នុងចំណោមគេមានពួកអ្នកចម្រៀងប្រុសស្រី ២០០ នាក់។ សេះរបស់គេមាន ៧៣៦ ក្បាល លាកាត់មាន ២៤៥ ក្បាល សត្វអូដ្ឋមាន ៤៣៥ ក្បាល និងលាមាន ៦ ៧២០ ក្បាល។ ពេលគេមកដល់ព្រះដំណាក់របស់ព្រះយេហូវ៉ា នៅក្រុងយេរូសាឡិម មានពួកមេដឹកនាំក្រុមគ្រួសារ បានថ្វាយតង្វាយស្ម័គ្រពីចិត្ត សម្រាប់សាងសង់ព្រះដំណាក់របស់ព្រះ នៅកន្លែងដើមឡើងវិញ។ គេថ្វាយជាមាសប្រាំមួយម៉ឺនមួយពាន់ដារីក ប្រាក់ប្រាំពាន់ម៉ានេ និងសម្លៀកបំពាក់ពួកសង្ឃមួយរយសម្រាប់ ដាក់ក្នុងឃ្លាំងសម្រាប់ការងារនោះ តាមសមត្ថភាពរបស់ខ្លួន។ ពួកសង្ឃ ពួកលេវី ប្រជាជនមួយចំនួន ពួកចម្រៀង ពួកឆ្មាំទ្វារ និងពួកអ្នកបម្រើព្រះវិហារ បានរស់នៅតាមទីក្រុងរបស់គេរៀងៗខ្លួន ហើយពួកអ៊ីស្រាអែលឯទៀតៗក៏បានរស់នៅក្នុងទីក្រុងរបស់គេរៀងៗខ្លួនដែរ។
អែសរ៉ា 2:1-70 ព្រះគម្ពីរភាសាខ្មែរបច្ចុប្បន្ន ២០០៥ (គខប)
ក្នុងចំណោមអស់អ្នកដែលព្រះចៅនេប៊ូក្នេសាជាស្ដេចស្រុកបាប៊ីឡូនចាប់ទៅជាឈ្លើយនោះ មានមួយចំនួនវិលមកក្រុងយេរូសាឡឹម និងស្រុកយូដាវិញ ហើយទៅរស់នៅតាមស្រុកភូមិរបស់គេរៀងៗខ្លួន។ អ្នកទាំងនោះវិលត្រឡប់មកវិញ ក្រោមការដឹកនាំរបស់លោកសូរ៉ូបាបិល លោកយេសួរ លោកនេហេមា លោកសេរ៉ាយ៉ា លោករេអេឡាយ៉ា លោកម៉ាដេកាយ លោកប៊ីលសាន លោកមីសផា លោកប៊ីគវ៉ាយ លោករេហ៊ូម និងលោកបាណា។ ចំនួនមនុស្សក្នុងចំណោមប្រជាជនអ៊ីស្រាអែលមានដូចតទៅ: កូនចៅរបស់លោកប៉ារ៉ូសមាន ២ ១៧២នាក់ កូនចៅរបស់លោកសេផាធាមាន ៣៧២នាក់ កូនចៅរបស់លោកអើរ៉ាសមាន ៧៧៥នាក់ កូនចៅរបស់លោកប៉ាហាត់-ម៉ូអាប់ កូនចៅរបស់លោកយេសួរ និងកូនចៅរបស់លោកយ៉ូអាប់មាន ២ ៨១២នាក់ កូនចៅរបស់លោកអេឡាំមាន ១ ២៥៤នាក់ កូនចៅរបស់លោកសាធូមាន ៩៤៥នាក់ កូនចៅរបស់លោកសាកាយមាន ៧៦០នាក់ កូនចៅរបស់លោកបានីមាន ៦៤២នាក់ កូនចៅរបស់លោកបេបាយមាន ៦២៣នាក់ កូនចៅរបស់លោកអាសកាដមាន ១ ២២២នាក់ កូនចៅរបស់លោកអដូនីកាំមាន ៦៦៦នាក់ កូនចៅរបស់លោកប៊ីគវ៉ាយមាន ២ ០៥៦នាក់ កូនចៅរបស់លោកអេឌីនមាន ៤៥៤នាក់ កូនចៅរបស់លោកអេធើ ដែលជាពូជពង្សរបស់លោកហេសេគាមាន ៩៨នាក់ កូនចៅរបស់លោកបេសាយមាន ៣២៣នាក់ កូនចៅរបស់លោកយ៉ូរ៉ាមាន ១១២នាក់ កូនចៅរបស់លោកហាស៊ូមមាន ២២៣នាក់ កូនចៅរបស់លោកគីបារមាន ៩៥នាក់ អ្នកភូមិបេថ្លេហិមមាន ១២៣នាក់ អ្នកភូមិនថូផាមាន ៥៦នាក់ អ្នកភូមិអាណាថោតមាន ១២៨នាក់ អ្នកភូមិអាសម៉ាវែតមាន ៤២នាក់ អ្នកក្រុងគារយ៉ាត-អើរីម កេភីរ៉ា និងបៀរ៉ូតមាន ៧៤៣នាក់ អ្នកក្រុងរ៉ាម៉ា និងកេបាមាន ៦២១នាក់ អ្នកក្រុងមីកម៉ាសមាន ១២២នាក់ អ្នកក្រុងបេតអែល និងអៃមាន ២២៣នាក់ អ្នកភូមិនេបូរមាន ៥២នាក់ កូនចៅរបស់លោកម៉ាកប៊ីសមាន ១៥៦នាក់ កូនចៅរបស់លោកអេឡាំម្នាក់ទៀត មាន ១ ២៥៤នាក់ កូនចៅរបស់លោកហារីមមាន ៣២០នាក់ អ្នកក្រុងឡូដ ហាឌីដ និងអូណូមាន ៧២៥នាក់ អ្នកក្រុងយេរីខូមាន ៣៤៥នាក់ អ្នកក្រុងសេណាអាមាន ៣ ៦៣០នាក់ ក្រុមបូជាចារ្យ ជាកូនចៅលោកយេដាយ៉ា ក្នុងក្រុមគ្រួសាររបស់លោកយេសួរមាន ៩៧៣នាក់ កូនចៅរបស់លោកអ៊ីមមើរមាន ១ ០៥២នាក់ កូនចៅរបស់លោកផាសហ៊ើរមាន ១ ២៤៧នាក់ កូនចៅរបស់លោកហារីមមាន ១ ០១៧នាក់។ ក្រុមលេវី ជាកូនចៅរបស់លោកយេសួរ កូនចៅរបស់លោកកាឌមាល និងកូនចៅរបស់លោកហូដាវាមាន ៧៤នាក់ ក្រុមចម្រៀងជាកូនចៅរបស់លោកអេសាភមាន១២៨នាក់ ក្រុមយាមទ្វារជាកូនចៅរបស់លោកសាលូម កូនចៅរបស់លោកអេធើរ កូនចៅរបស់លោកថាល់ម៉ូន កូនចៅរបស់លោកអ័កគូប កូនចៅរបស់លោកហាធីថា និងកូនចៅរបស់លោកសូបាយមាន ១៣៩នាក់ ក្រុមអ្នកបម្រើព្រះវិហារ ជាកូនចៅរបស់លោកស៊ីហា កូនចៅរបស់លោកហាស៊ូផា កូនចៅរបស់លោកថាបាអូត កូនចៅរបស់លោកកេរ៉ូស កូនចៅរបស់លោកស៊ីយ៉ាហា កូនចៅរបស់លោកផាដូន កូនចៅរបស់លោកលេបាណា កូនចៅរបស់លោកហាកាបា កូនចៅរបស់លោកអ័កគូប កូនចៅរបស់លោកហាកាប កូនចៅរបស់លោកសាលម៉ាយ កូនចៅរបស់លោកហាណាន កូនចៅរបស់លោកគីដេល កូនចៅរបស់លោកកាហារ កូនចៅរបស់លោករីអាយ៉ា កូនចៅរបស់លោករេស៊ីន កូនចៅរបស់លោកនេកូដា កូនចៅរបស់លោកកាសាម កូនចៅរបស់លោកអ៊ូសា កូនចៅរបស់លោកផាសេហា កូនចៅរបស់លោកបេសាយ កូនចៅរបស់លោកអាសណា កូនចៅរបស់លោកមេហូនីម កូនចៅរបស់លោកនេភូស៊ីម កូនចៅរបស់លោកបាកប៊ូក កូនចៅរបស់លោកហាគូផា កូនចៅរបស់លោកហាហ៊ើរ កូនចៅរបស់លោកបាសលូត កូនចៅរបស់លោកមេហ៊ីដា កូនចៅរបស់លោកហាសា កូនចៅរបស់លោកបារកូស កូនចៅរបស់លោកស៊ីសេរ៉ា កូនចៅរបស់លោកថាម៉ា កូនចៅរបស់លោកនេស៊ីយ៉ា កូនចៅរបស់លោកហាធីផា កូនចៅពួកអ្នកបម្រើរបស់ព្រះបាទសាឡូម៉ូន គឺកូនចៅរបស់លោកសូថាយ កូនចៅរបស់លោកសូផេរេត កូនចៅរបស់លោកពេរូដា កូនចៅរបស់លោកយ៉ាឡា កូនចៅរបស់លោកដារកុន កូនចៅរបស់លោកគីដេល កូនចៅរបស់លោកសេផាធា កូនចៅរបស់លោកហាធីល កូនចៅរបស់លោកផូកេរេត ពីសេបែម និងកូនចៅរបស់លោកអាំម៉ូន។ សរុបទាំងអស់ក្រុមអ្នកបម្រើព្រះវិហារ និងកូនចៅពួកអ្នកបម្រើព្រះបាទសាឡូម៉ូនមាន ៣៩២នាក់។ រីឯអស់អ្នកដែលមកពីធេល-មែឡា ធេល-ហារេសា កេរូប-អដាន និងអ៊ីមមើរ ហើយពុំស្គាល់ញាតិសន្ដាន និងដូនតារបស់ខ្លួន ដើម្បីបញ្ជាក់ថា គេពិតជាជនជាតិអ៊ីស្រាអែលមែននោះគឺ កូនចៅរបស់លោកដេឡាយ៉ា កូនចៅរបស់លោកថូប៊ីយ៉ា និងកូនចៅរបស់លោកនេកូដា ដែលមានចំនួន ៦៥២នាក់។ ក្នុងចំណោមក្រុមបូជាចារ្យ មានកូនចៅរបស់លោកហាបាយ៉ា កូនចៅរបស់លោកហាកូស កូនចៅរបស់លោកបាស៊ីឡាយ ដែលបានរៀបការជាមួយកូនស្រីរបស់លោកបាស៊ីឡាយជាអ្នកស្រុកកាឡាដ ហើយដាក់ឈ្មោះខ្លួនដូចឪពុកក្មេក។ អ្នកទាំងនោះរកនាមត្រកូលពូជពង្សរបស់ខ្លួនពុំឃើញទេ ដូច្នេះ គេចាត់ទុកអ្នកទាំងនោះមិនបរិសុទ្ធ* ដែលពុំអាចបំពេញមុខងារជាបូជាចារ្យបានឡើយ។ លោកទេសាភិបាលហាមពួកគេបរិភោគអាហារដ៏សក្ការៈបំផុត រហូតទាល់តែបូជាចារ្យណាម្នាក់សាកសួរយូរីម និងធូមីម*ជាមុនសិន។ សហគមន៍ទាំងមូលមានចំនួន ៤២ ៣៦០នាក់ ដោយឥតរាប់បញ្ចូលអ្នកបម្រើប្រុសស្រីរបស់ពួកគេដែលមានចំនួន៧ ៣៣៧នាក់ទេ។ ក្នុងចំណោមពួកគេមានអ្នកចម្រៀងប្រុសស្រី ២០០នាក់។ មានសេះទាំងអស់ ៧៣៦ក្បាល លាកាត់ ២៤៥ក្បាល អូដ្ឋ៤៣៥ក្បាល និងលា ៦ ៧២០ក្បាល។ ពេលមកដល់ព្រះដំណាក់របស់ព្រះអម្ចាស់នៅក្រុងយេរូសាឡឹម មានមេដឹកនាំក្រុមគ្រួសារមួយចំនួនធំបានថ្វាយតង្វាយស្ម័គ្រចិត្ត សម្រាប់ការសាងសង់ព្រះដំណាក់របស់ព្រះជាម្ចាស់ នៅកន្លែងដើមឡើងវិញ។ ពួកគេថ្វាយសម្រាប់ការសង់ព្រះវិហារ តាមសមត្ថភាពរបស់ខ្លួន គឺមានមាសចំនួនប្រាំមួយម៉ឺនមួយពាន់តម្លឹង និងប្រាក់ប្រាំពាន់ណែន ព្រមទាំងសម្លៀកបំពាក់បូជាចារ្យចំនួនមួយរយសាមសិបសម្រាប់។ ក្រុមបូជាចារ្យ ក្រុមលេវី ប្រជាជន ក្រុមចម្រៀង ក្រុមយាមទ្វារ ក្រុមអ្នកបម្រើព្រះវិហារ និងជនជាតិអ៊ីស្រាអែលទាំងមូល នាំគ្នាទៅរស់នៅតាមក្រុងរបស់គេរៀងៗខ្លួនវិញ។
អែសរ៉ា 2:1-70 ព្រះគម្ពីរបរិសុទ្ធ ១៩៥៤ (ពគប)
រីឯពួកអ្នករបស់ខេត្តនោះ ដែលចេញពីសណ្ឋានជាឈ្លើយ ឡើងត្រឡប់ទៅឯក្រុងយេរូសាឡិម នឹងស្រុកយូដាគ្រប់គ្នា ដល់ទីក្រុងរបស់គេរៀងខ្លួន ក្នុងពួកអ្នកដែលនេប៊ូក្នេសា ជាស្តេចបាប៊ីឡូន បាននាំទៅជាឈ្លើយដល់ស្រុកបាប៊ីឡូន គឺជាពួកអ្នកដែលមកជាមួយនឹងសូរ៉ូបាបិល យេសួរ នេហេមា សេរ៉ាយ៉ា រេអេឡាយ៉ា ម៉ាដេកាយ ប៊ីលសាន មីសផា ប៊ីកវ៉ាយ រេហ៊ូម នឹងប្អាណា នោះមានចំនួនសាសន៍អ៊ីស្រាអែលដូច្នេះ គឺពួកប៉ារ៉ូស មាន២១៧២នាក់ ពួកសេផាធា មាន៣៧២នាក់ ពួកអើរ៉ាស មាន៧៧៥នាក់ ពួកផាហាត-ម៉ូអាប់ខាងកូនចៅយេសួរ នឹងយ៉ូអាប់ មាន២៨១២នាក់ ពួកអេឡាំ មាន១២៥៤នាក់ ពួកសាធូរ មាន៩៤៥នាក់ ពួកសាកាយ មាន៧៦០នាក់ ពួកបានី មាន៦៤២នាក់ ពួកបេបាយ មាន៦២៣នាក់ ពួកអាសកាឌ មាន១២២២នាក់ ពួកអ័ដូនីកាម មាន៦៦៦នាក់ ពួកប៊ីកវ៉ាយមាន២០៥៦នាក់ ពួកអេឌីន មាន៤៥៤នាក់ ពួកអេធើ ខាងហេសេគា មាន៩៨នាក់ ពួកបេសាយ មាន៣២៣នាក់ ពួកយ៉ូរ៉ា មាន១១២នាក់ ពួកហាស៊ូម មាន២២៣នាក់ ពួកគីបារ មាន៩៥នាក់ ពួកបេថ្លេហិម មាន១២៣នាក់ ពួកនថូផា មាន៥៦នាក់ ពួកអាន៉ាថោត មាន១២៨នាក់ ពួកអាសម៉ាវែត មាន៤២នាក់ ពួកគារយ៉ាត់-អើរីម កេភីរ៉ា នឹងប្អៀរ៉ុត មាន៧៤៣នាក់ ពួករ៉ាម៉ា នឹងកេបា មាន៦២១នាក់ ពួកមីកម៉ាស មាន១២២នាក់ ពួកបេត-អែល នឹងអៃយ មាន២២៣នាក់ ពួកនេបូរ មាន៥២នាក់ ពួកម៉ាកប៊ីស មាន១៥៦នាក់ ពួកនៅក្រុងអេឡាំ១ទៀត មាន១២៥៤នាក់ ពួកហារីម មាន៣២០នាក់ ពួកឡូឌ ហាឌីឌ នឹងអូណូរ មាន៧២៥នាក់ ពួកយេរីខូរ មាន៣៤៥នាក់ ពួកសេណាអា មាន៣៦៣០នាក់។ ឯពួកសង្ឃ នោះក្នុងពួកកូនចៅយេដាយ៉ាខាងវង្សរបស់យេសួរ មាន៩៧៣នាក់ ពួកកូនចៅអ៊ីមមើរ មាន១០៥២នាក់ ពួកកូនចៅផាសហ៊ើរ មាន១២៤៧នាក់ ពួកកូនចៅហារីម មាន១០១៧នាក់។ ចំណែកពួកលេវី នោះក្នុងពួកកូនចៅយេសួរ នឹងកាឌមាល ខាងវង្សរបស់ហូដាវា មាន៧៤នាក់ ឯពួកចំរៀង ជាពួកកូនចៅអេសាភ នោះមាន១២៨នាក់ ឯពួកកូនចៅរបស់ពួកអ្នកឆ្មាំទ្វារ ខាងវង្សរបស់សាលូម អេធើ ថាលម៉ូន អ័កគូប ហាធីថា នឹងសូបាយ រួមទាំងអស់មាន១៣៩នាក់។ ឯពួកនេធីនិម គឺពួកកូនចៅស៊ីហា កូនចៅហាស៊ូផា កូនចៅថាបាអូត កូនចៅកេរ៉ូស កូនចៅស៊ីយ៉ាហា កូនចៅផាដូន កូនចៅលេបាណា កូនចៅហាកាបា កូនចៅអ័កគូប កូនចៅហាកាប កូនចៅសាលម៉ាយ កូនចៅហាណាន កូនចៅគីដេល កូនចៅកាហារ កូនចៅរីអាយ៉ា កូនចៅរេស៊ីន កូនចៅនេកូដា កូនចៅកាសាម កូនចៅអ៊ូសា កូនចៅផាសេហា កូនចៅបេសាយ កូនចៅអាសណា កូនចៅមេហ៊ូនីម កូនចៅនេភូស៊ីម កូនចៅបាកប៊ូក កូនចៅហាគូផា កូនចៅហាហ៊ើរ កូនចៅបាសលូត កូនចៅមេហ៊ីដា កូនចៅហាសា កូនចៅបាកូស កូនចៅស៊ីសេរ៉ា កូនចៅថាម៉ា កូនចៅនេស៊ីយ៉ា នឹងកូនចៅហាធីផា។ រីឯពួកកូនចៅ របស់ពួកមហាតលិកនៃសាឡូម៉ូន គឺកូនចៅសូថាយ កូនចៅសូផេរេត កូនចៅពេរូដា កូនចៅយ្អាឡា កូនចៅដាកុន កូនចៅគីដេល កូនចៅសេផាធា កូនចៅហាធីល កូនចៅផូកេរេត ពីសេបែម នឹងកូនចៅអាំម៉ូន ឯពួកនេធីនិម នឹងពួកកូនចៅរបស់ពួកមហាតលិកនៃស្តេចសាឡូម៉ូន រួមទាំងអស់មានចំនួនជា៣៩២នាក់។ ឯពួកអ្នកទាំងប៉ុន្មាន ដែលបានចេញពីក្រុងធេល-មែឡា ក្រុងធេល-ហារេសា ក្រុងកេរូប ក្រុងអ័ដាន នឹងក្រុងអ៊ីមមើរឡើងទៅ តែពុំអាចនឹងប្រាប់ពីជំនួរវង្ស ឬពីពូជពង្សរបស់ខ្លួន ឲ្យដឹងជាពូជអ៊ីស្រាអែលឬមិនមែនបានទេ នោះគឺពួកកូនចៅដេឡាយ៉ា កូនចៅថូប៊ីយ៉ា នឹងកូនចៅនេកូដា រួមទាំងអស់ មាន៦៥២នាក់ ហើយខាងកូនចៅពួកសង្ឃ មានកូនចៅហាបាយ៉ា កូនចៅហាកូស កូនចៅបារស៊ីឡាយ ជាអ្នកដែលយកកូនស្រីបារស៊ីឡាយ ជាអ្នកស្រុកកាឡាតធ្វើជាប្រពន្ធ ហើយក៏ត្រូវហៅតាមឈ្មោះគេ ពួកអ្នកទាំងនោះបានរកបញ្ជីជាតិរបស់ខ្លួន ក្នុងពួកអ្នកដែលបានរាប់តាមពង្សាវតារ តែរកមិនឃើញសោះឡើយ ដូច្នេះ គេត្រូវរាប់ទុកដូចជាមានសៅហ្មងហើយ ក៏ត្រូវបណ្តេញចេញពីការងារជាសង្ឃទៅ ហើយលោកចៅហ្វាយបានហាមគេថា មិនត្រូវបរិភោគពីរបស់បរិសុទ្ធបំផុតឡើយ ដរាបដល់គ្រាមានសង្ឃម្នាក់តាំងឡើង ដែលមានយូរីម នឹងធូមីម។ រីឯពួកជំនុំទាំងអស់ រួមគ្នាមាន៤ម៉ឺន២ពាន់៣៦០នាក់ ឥតរាប់ពួកបាវប្រុសស្រីរបស់គេ ដែលមាន៧៣៣៧នាក់ទៀតឡើង ហើយក្នុងពួកគេក៏មានពួកចំរៀងប្រុសស្រី២០០នាក់ដែរ ឯសេះរបស់គេ មាន៧៣៦ លាកាត់ មាន២៤៥ សត្វអូដ្ឋ មាន៤៣៥ នឹងលា មាន៦៧២០។ ឯពួកអ្នកខ្លះ ជាកំពូលលើវង្សរបស់ឪពុកគេ កាលបានមកដល់ព្រះវិហារព្រះយេហូវ៉ា នៅក្រុងយេរូសាឡិមហើយ នោះគេក៏ថ្វាយដង្វាយស្ម័គ្រពីចិត្ត សំរាប់នឹងស្អាងព្រះវិហារនៃព្រះ នៅកន្លែងចាស់ឡើងវិញ គឺគេថ្វាយមាស៦ម៉ឺន១ពាន់ដារីក ប្រាក់៥ពាន់ម៉ានេ នឹងសំលៀកបំពាក់ពួកសង្ឃ១០០សំរាប់ ដាក់ក្នុងឃ្លាំងសំរាប់ការនោះ តាមកំឡាំងរៀងខ្លួន ដូច្នេះ ពួកសង្ឃ ពួកលេវី ពួកជនខ្លះ ពួកចំរៀង ពួកឆ្មាំទ្វារ នឹងពួកនេធីនិម ក៏បាននៅក្នុងទីក្រុងខ្លួន ហើយពួកអ៊ីស្រាអែលទាំងអស់បាននៅក្នុងទីក្រុងរបស់ខ្លួនដែរ។